کسی کے دامن پر سیاہی پھینکنے سے پہلے اپنا دامن دیکھ لیں، اعظم نذیر تارڑ

ویب ڈیسک

06th Aug, 2024. 07:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کسی کے دامن پر سیاہی پھینکنے سے پہلے اپنا دامن دیکھ لیں، اعظم نذیر تارڑ

وفاقی وزیر قانون اعظم نذیر تارڑ نے کہا ہے کہ کسی کے دامن پر سیاہی پھینکنے سے پہلے اپنا دامن دیکھ لیں۔

سینیٹ کے اجلاس میں وفاقی وزیر قانون اعظم نذیر تارڑ نے اپنے اظہار خیال می کہا کہ بانی پی ٹی آئی نے حلقے کھلوانے کیلئے مشن کے طور پر کام کیا تھا۔

انہوں نے کہا کہ بانی پی ٹی آئی نے کہا کہ ہمارے حلقے پر اُنگلی اٹھائیں گے تو ہم اسے کھلوا دیں گے، بانی پی ٹی آئی کی اپنا حلقہ نہ کھولنے کی درخواست کی ہیڈ لائنز لگی تھی۔

وفاقی وزیر قانون کا کہنا تھا کہ بانی پی ٹی آئی ہمیشہ یوٹرن لیتےہیں، 2013 میں ریٹائرڈ سیشن ججز کے ٹریبونل تھے۔

ان کا کہنا تھا کہ دسمبر 2021 میں اسٹیٹ بینک قانون میں تبدیلی کیلئے بل پیش کیا گیا، ایک ووٹ کی اکثریت سے اسٹیٹ بینک قانون منظور کرایا گیا تھا، کسی کے دامن پر سیاہی پھینکنے سے پہلے اپنا دامن دیکھ لیں۔

شبلی فرازکا دو تہائی اکثریت چھیننے کا دعویٰ غلط ہے، پارلیمنٹ کی قانون سازی کو 16،15 ججز یا غیر منتخب لوگ ختم نہیں کر سکتے۔

وفاقی وزیر قانون اعظم نذیر تارڑ کا مزید کہنا تھا کہ پی ٹی آئی نے51 بل پونے گھنٹے میں منظور کرائے تھے، قانون سازی اور قانون میں ترمیم کرنا پارلیمنٹ کا اختیار ہے۔