کسی کے ساتھ کوئی مذاکرات نہیں ہو رہے، عمر ایوب

ویب ڈیسک

07th Aug, 2024. 10:23 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کسی کے ساتھ کوئی مذاکرات نہیں ہو رہے، عمر ایوب

اپوزیشن لیڈر قومی اسمبلی عمرایوب نے کہا کہ کسی کے ساتھ کوئی مذاکرات نہیں ہو رہے ہیں۔

اپوزیشن لیڈر قومی اسمبلی عمرایوب نے انسداد دہشت گردی عدالت لاہور کے باہرمیڈیا سے گفتگو کرتے ہوئے ہوئے کہا کہ جو ایکٹ پاس کیا گیا ہے وہ مکمل غلط اور منفی ہے، یہ ایکٹ صرف تحریک انصاف کا راستہ روکنے کی بھونڈی کوشش ہے۔

عمرایوب نے کہا کہ اس ایکٹ کو ہرجگہ چیلنج کریں گے، یہ قانون اور آئین کے بالکل منافی ہے، صوابی کا جلسہ سب نے دیکھا ہے۔

عمرایوب نے کہا کہ ملک میں تازہ الیکشن ہمارا واحد مطالبہ ہے، ہمارا چرایا ہوا مینڈیٹ واپس کیا جائے، معیشت کاطالب علم ہونے کے ناطے بتا سکتا ہوں یہ بجٹ عوام دشمن ہے، اس بجٹ سے مہنگائی مزید بڑھے گی۔

عمرایوب نے کہا کہ پاکستان نئے الیکشن کی طاقت رکھتا ہے، شہباز شریف، مریم یہ سب لوگ کدھر بھاگیں گے، حسینہ واجد تو بھارت چلی گئیں تھیں، لیکن ادھر سے ہیلی کاپٹر نہیں جائے گا۔