بجلی بلوں پر ٹیکسز سے حکومت کو کتنی آمدن ہوتی ہے؟ تفصیلات سامنے آگئیں

ملک سعید اعوان

08th Aug, 2024. 03:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بجلی بلوں پر ٹیکسز سے حکومت کو کتنی آمدن ہوتی ہے؟ تفصیلات سامنے آگئیں

اسلام آباد: بجلی بلوں پر ٹیکسز سے حکومت کی آمدن سے متعلق تفصیلات سامنے آگئی ہیں۔

دستاویز کے مطابق بجلی بلوں پر ٹیکسز کی مد میں حکومت سالانہ 954 ارب روپے کا ریونیو جمع کرتی ہے جبکہ 18 فیصد جنرل سیلز ٹیکس گھریلو صارفین کمرشل صنعتی بلک زرعی سمیت سب پر عائد ہے۔

دستاویز میں بتایا گیا ہے کہ دس سے بارہ فیصد انکم ٹیکس کی مد میں حکومت کو 98ارب روپے کا ریونیو جمع کرتی ہے، نان فائلرز کے 25ہزار بل پر ساڑھے سات فیصد ایڈوانس ٹیکس کی مد میں حکومت 4ارب ریونیو اکٹھا کرتی ہے۔

جاری کردہ دستاویز کے مطابق مزید ٹیکس کی مد میں 13ارب ایکسٹرا سیلز ٹیکس کی مد میں 54ارب کا ریونیو جمع ہوتا ہے، ساڑھے سات فیصد ریٹیلرز سیلز ٹیکس کی مد میں 9ارب کا ریونیو جمع کیا جاتا ہے جبکہ 1.5فیصد الیکٹرسٹی ڈیوٹی کی مد میں 53ارب وصول کیے جاتے ہیں۔

دستاویز میں مزید کہا گیا کہ پی ٹی وی فیس کی مد میں 14ارب اکٹھا کیا جاتا ہے، ٹیکسز میں وفاق کا شیئر 391 ارب صوبائی شیئر 563 ارب روپے ہے۔

واضح رہے کہ بجلی بلوں میں آٹھ قسم کے ٹیکسز عائد ہیں جو ماہانہ فیول ایڈجسٹمنٹ لیٹ پیمٹ جرمانے فکسڈ ٹیکسز اور سہ ماہی ایڈجسٹمنٹس کے علاوہ ہیں، صارفین کو یہ ٹیکسز ماہانہ 9 روپے فی یونٹ پڑتے ہیں۔