پیرس اولمپکس میں گولڈ میڈل حاصل کرنے والے پاکستانی ایتھلیٹ ارشد ندیم کے فالورز کی تعداد میں چند گھنٹوں میں لاکھوں کا اضافہ ہوگیا۔

پیرس اولپکس 2024 میں کل رات جیولن تھرو کا فائنل مقابلہ ہوا جس میں پاکستانی اتھلیٹ ارشد ندیم اور بھارتی ایتھلیٹ نیرج چوپڑا بھی شریک تھے۔

فائنل مقابلے میں پاکستانی کھلاڑی ارشد ندیم نے جان دار تھرو کرکے اولمپکس کا 118 سالہ ریکارڈ توڑتے ہوئے 92.97 میٹر جیولن پھینکی اور گولڈ میڈل حاصل کرنے میں کامیاب رہے جب کہ سلور میڈل بھارتی کھلاڑی نیرج چوپرا کے نام رہا۔

فتح کے بعد میڈیا سے گفتگو کرتے ہوئے انہوں نے کہا کہ پاکستان اولمپک ایسوسی ایشن اور اپنے کوچ کا شکر گزار ہوں۔

ان کا کہنا تھا کہ میں ردھم میں تھا اور پر امیدتھا کہ گولڈمیڈل جیتوں گا۔ آج میرادن تھا،میں اس سےزیادہ دوربھی تھرو کرسکتا تھا، پرامید تھا کہ جتنی دور تھرو کی اس سے گولڈ میڈل جیت سکوں گا۔

اسی کے ساتھ ہی پاکستانی اولمپئن ارشد ندیم کی مقبولیت میں مزید اضافہ ہوگیا ہے جب کہ ان کے چند گھنٹوں میں لاکھوں فالوورز بڑھ گئے ہیں۔ ارشد ندیم کے انسٹاگرام اکاؤنٹ پر فالوورز کی تعداد میں لاکھوں کا اضافہ ہوگیا ہے۔

واضح رہے کہ پاکستانی ایتھلیٹ کو آج رات گولڈ میڈل دیا جائے گا جب کہ میڈل پہنانے کی تقریب رات 10 بجے ہوگی، ارشد ندیم کو ملنے والے گولڈ میڈل میں ایفل ٹاور کا ٹکڑا بھی شامل ہے جب کہ میڈل میں 500 گرام چاندی اور 600 گرام سونا شامل ہے۔