ساموآ کے بلے باز نے ٹی ٹوئنٹی کی تاریخ میں نیا ریکارڈ قائم کردیا

ویب ڈیسک

20th Aug, 2024. 03:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ساموآ کے بلے باز نے ٹی ٹوئنٹی کی تاریخ میں نیا ریکارڈ قائم کردیا

جزیرے پر مشتمل چھوٹے سے ملک ساموآ کے بلےباز نے ٹی ٹوئنٹی کی تاریخ میں نیا ریکارڈ قائم کردیا۔

تفصیلات کے مطابق ساموآ کرکٹ ٹیم کے بیٹر ڈیریوس ویسر نے آئی سی سی مینز ٹی ٹوئنٹی ورلڈکپ کے ایسٹ ایشیا پیسیفک کوالیفائر اے میچ میں تاریخ رقم کردی۔

ڈیریوس ویسر نے منگل کے روز وانوٹا کے خلاف میچ کے دوران ایک اوور میں سب سے زیادہ 39 رنز بناکر نیا ریکارڈ بناڈالا۔

انہوں نے نالن نپیکو کی گیند پر 6 چھکے لگائے جبکہ اس اوور میں 3 نو بالز بھی شامل تھیں، جس کے باعث ایک اوور میں 39 رنز بنے۔

واضح رہے کہ اس سے قبل مینز ٹی ٹوئنٹی ورلڈکپ کے افتتاحی ایڈیشن میں یورواج سنگھ نے انگلینڈ کے اسٹیورٹ براڈ کو 6 گیندوں پر 6 چھکے لگاکر ایک اوور میں 36 رنز کا ریکارڈ بنایا تھا۔

ساموآ کے بیٹر نے مینز ٹی20 ورلڈکپ مقابلوں میں نہ صرف نیا ریکارڈ قائم کیا بلکہ اپنی پہلی انٹرنیشنل سنچری بھی اسکور کی۔انہوں نے 62 گیندوں پر 132 رنز کی جارحانہ اننگز کھیلی اور ٹیم کو دوسری فتح سے ہمکنار کروایا۔