ملکی معیشت چلانے والے کمزور اور لوٹنے والے بہت طاقتور ہیں، حافظ نعیم

ویب ڈیسک

20th Aug, 2024. 05:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملکی معیشت چلانے والے کمزور اور لوٹنے والے بہت طاقتور ہیں، حافظ نعیم

پاکستان میں معاشی حالات بدترین ہوتے چلے جارہے ہیں، حافظ نعیم الرحمان

کوئٹہ: امیر جماعت اسلامی حافظ نعیم الرحمان کا کہنا ہے کہ ملک کی معیشت کو چلانے والے کمزور اور ملک کو لوٹنے والے بہت طاقتور ہیں۔

امیر جماعت اسلامی حافظ نعیم الرحمان نے نیوز کانفرنس کرتے ہوئے کہا کہ سیاست دانوں کا آمرانہ طرز عمل ہوگا تو پھر جمہوری آمریت ہوگی، جمہوریت کو آگے بڑھانا ہے تو جمہوری رویہ اپنانا ہوگا۔

حافظ نعیم نے کہا کہ پاکستان کو اس وقت مختلف چیلنجز کا سامنا ہے، معیشت کا بُرا حال ہے جب کہ خیبرپختونخوا سمیت ملک بھر میں امن وامان کی صورتحال مخدوش ہے۔

امیر جماعت اسلامی کہتے ہیں کہ عوام کو مہنگائی، بیروزگاری اور دیگر مسائل کا سامنا ہے، بجلی کی چوری عملے کے بغیر نہیں ہوتی۔ تنخواہوں اورمکان کے کرائے سے زیادہ بجلی کے بل آجاتے ہیں۔

ان کا کہنا تھا کہ ہم تو دھرنے بھی دے رہے ہیں اور احتجاج بھی کررہے ہیں، بلوچستان سے گیس نکلتی ہے تو پہلا حق یہاں کےعوام کا ہے جب کہ سندھ میں کچے کے علاقوں میں ڈاکو راج ہے۔

انہوں نے مزید کہا کہ ملک کی معیشت چلانے والے کمزور ہیں اور ملک کو لوٹنے والے بہت طاقتور ہیں جب کہ بجلی کے بل ادا کرنا عوام کے لئے ممکن نہیں رہا ہے۔