پرتگال، جنگلات میں لگی خوفناک آگ پر قابو پا لیا گیا

ویب ڈیسک

25th Aug, 2024. 05:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پرتگال، جنگلات میں لگی خوفناک آگ پر قابو پا لیا گیا

پرتگال کے جنگلات میں 11 روز سے لگی ہوئی خوفناک آگ پر فائر ٹینڈرز نے قابو پا لیا۔

پرتگال کے جزیرے میڈیرا کے جنگلات میں 14 اگست کو لگنے والی آگ پر فائر فائٹرز نے قابو پا لیا ہے تاہم حکام کا کہنا ہے کہ وہ اسے دوبارہ پھیلنے سے روکنے کے لیے زمین پر موجود رہیں گے، آگ نے 5 ہزار ہیکٹر سے زیادہ پر پھیلے جنگلات جلا کر خاکستر کر دیا تھا۔

علاقائی سول پروٹیکشن کمانڈر انتونیو نونس نے خبر رساں ادارے کو بتایا کہ ‘آگ پر اب قابو پا لیا گیا ہے لیکن ابھی تک اس پر قابو پانے پر غور نہیں کیا جا سکتا، اس لیے ٹیمیں ممکنہ تباہی کو روکنے کے لیے زمین پر چوکس رہیں گی۔’

زیادہ درجہ حرارت، تیز ہوائیں اور کم نمی سمیت خراب موسمی حالات کی وجہ سے آگ سے لڑنے کی کوششیں متاثر ہوئی ہیں۔

یورپی یونین کے حکام نے آگ بجھانے میں مدد کے لیے کینیڈا کے دو طیارے فراہم کیے۔ علاقائی حکومت کا کہنا ہے کہ کوئی زخمی نہیں ہوا، کوئی گھر نذر آتش نہیں کیا گیا اور نہ ہی کوئی ضروری انفراسٹرکچر تباہ ہوا۔

اٹلانٹک جزیرہ میڈیرا پرتگال کا ایک خود مختار علاقہ ہے جس میں تقریبا ڈھائی لاکھ باشندے رہتے ہیں اور یہ ایک مقبول سیاحتی مقام ہے۔