پاکستان نیول اکیڈمی کے کیڈٹس کی بین الاقوامی سیلنگ مقابلے میں شاندار کامیابی

سلمان علی اعوان

25th Aug, 2024. 05:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان نیول اکیڈمی کے کیڈٹس کی بین الاقوامی سیلنگ مقابلے میں شاندار کامیابی

آئی ایس پی آر کے مطابق پاکستان نیول اکیڈمی کے کیڈٹس نے بین الاقوامی سیلنگ مقابلے میں شاندار کامیابی حاصل کرلی۔

پاک فوج کے شعبہ برائے تعلقاتِ عامہ کے مطابق سری لنکن نیول اکیڈمی میں منعقدہ سیلنگ کے مقابلے میں سری لنکا، پاکستان، چائنہ اور انڈین نیول اکیڈمیز کے کیڈٹس نے حصہ لیا۔

آئی ایس پی آر کی جانب سے جاری بیان میں کہا گیا کہ مقابلے لیزر ریڈیل اور انٹرپرائز کیٹگریز میں منعقد کیے گئے۔ پاکستان نیول اکیڈمی کے کیڈٹس نے لیزر ریڈیل کیٹگری میں سلور اور انٹرپرائز کیٹگری میں گولڈ میڈل حاصل کیا۔

آئی ایس پی آر کے مطابق سری لنکن نیول چیف وائس ایڈمرل پرینتھا پریرا نے فاتح کیڈٹس کو میڈلز اور ٹرافی سے نوازا۔ پاکستان نیول اکیڈمی کی فاتح ٹیم آفیسر کیڈٹس سید ساخر علی شاہ، سعد بن خالد اور محمد عبداللہ اکرم پر مشتمل تھی۔

آئی ایس پی آر کی جانب سے جاری بیان میں کہا گیا کہ نیول چیف ایڈمرل نوید اشرف نے فاتح کیڈٹس کو مبارکباد دی۔ بین الاقوامی مقابلے میں شاندار کارکردگی پاکستان نیول اکیڈمی کی پیشہ ورانہ تربیت کا ثبوت ہے۔