غزہ، 24 گھنٹوں کے دوران اسرائیلی حملوں میں مزید 71 فلسطینی شہید

ویب ڈیسک

25th Aug, 2024. 10:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

غزہ، 24 گھنٹوں کے دوران اسرائیلی حملوں میں مزید 71 فلسطینی شہید

غزہ میں گزشتہ 24 گھنٹوں کے دوران اسرائیلی فوج کے حملوں میں مزید 71 فلسطینی شہید ہو گئے ہیں۔

فلسطینی وزارت صحت کی رپورٹ کے مطابق فلسطینی شہدا کی مجموعی تعداد 40 ہزار 405 ہو گئی ہے۔

القسام بریگیڈ کی جوابی کارروائی میں 3 اسرائیلی فوجی ہلاک اور متعدد زخمی ہو گئے ہیں، القسام بریگیڈ کی جوابی کارروائی میں متعدد ٹینک اور بکتر بند گاڑیاں تباہ ہوئیں۔

حزب اللہ سربراہ حسن نصراللہ کا کہنا تھا کہ فواد شکر کا بدلہ لینے سے پہلے جنگ بندی مذاکرات کو وقت دیا، اسرائیل نے متعدد بار ہماری ریڈ لائن کراس کی ہے۔

انہوں نے کہا کہ ہماری کوشش تھی کہ صرف عسکری اہداف کو نشانہ بنائیں، غلیلوت بیس اولین ہدف تھا جو تل ابیب سے ڈیڑھ کلومیٹر دور ہے۔

سربراہ حزب اللہ کا کہنا تھا کہ ہم نے گولان کی پہاڑیوں میں اسرائیلی بیرکوں کو نشانہ بنایا۔

حزب اللہ کے سربراہ حسن نصراللہ نے مزید کہا کہ دشمن ہماری کامیابیوں کو چھپانے کی کوشش کر رہے ہیں، وقت آنے پر پتہ چلے گا ہم نے اسرائیل کو کتنا نقصان پہنچایا ہے۔