فیض حمید کا کیس کہاں چلے گا یہ ہمارا دائرہ اختیار نہیں، وفاقی وزیرقانون

ویب ڈیسک

29th Aug, 2024. 08:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فیض حمید کا کیس کہاں چلے گا یہ ہمارا دائرہ اختیار نہیں، وفاقی وزیرقانون

اعظم نذیرتارڑنے کہا ہے کہ فیض حمید کا کیس کہاں چلے گا یہ ہمارا دائرہ اختیار نہیں۔

اسلام آباد میں وفاقی وزیرقانون اعظم نذیرتارڑ نے صحافیوں سے غیر رسمی گفتگوکرتے ہوئے کہا کہ ضرورت پڑی تو بانی پی ٹی آئی کا کیس فوجی عدالت میں بھیجنے کا فیصلہ پنجاب حکومت کرے گی۔

اعظم نذیر تارڑ نے کہا کہ پارلیمنٹ کے مشترکہ اجلاس میں کوئی آئینی ترمیم نہیں ہوسکتی، مشترکہ اجلاس میں نیا ترمیمی بل نہیں لایا جاسکتا۔

وفاقی وزیر قانون نے کہا کہ حکومت کسی سرپرائز قانون سازی کا ارادہ نہیں رکھتی، کسی رکن کے نجی بل کا حکومت سے تعلق نہیں ہوتا، حکومتی ارکان کے سیکڑوں بل پہلے سے موجود ہیں۔

اعظم نذیر تارڑ نے مزید کہا کہ چیف جسٹس قاضی فائزعیسیٰ کی توسیع کے حوالے سے اس وقت کوئی تجویز زیر غور نہیں، چیف جسٹس کی توسیع ہوگی ہے یا نہیں اس کا فیصلہ مجھے نہیں کرنا۔