سندھ حکومت نےآوارہ کتوں کے لیے رحم دلانہ منصوبہ تیار کرلیا

سید قاسم رضا

02nd Apr, 2020. 07:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ حکومت نےآوارہ کتوں کے لیے رحم دلانہ منصوبہ تیار کرلیا

سندھ حکومت کی جانب سے آوارہ کتوں کے لیے رحم دلانہ منصوبہ تیار کرلیا گیا۔

تفصیلات کے مطابق حکومت سندھ نے آوارہ کتوں کے مسئلے کے حوالے سے سائنٹفک بنیادوں پر معاملے کو حل کرنے کا فیصلہ کیا ہے اور اس مقصد کی تکمیل لیے جامع منصوبہ بندی کرلی گئی ہے۔

حکومت سندھ نے اپنی طرز کا منفرد منصوبہ ترتیب دیا ہے جس کے تحت مختلف علاقوں میں موجود آوارہ کتوں کو مارے بنا لوگوں کے لیے بے ضرر بنا دیا جائے گا۔

پہلے مرحلے میں آوارہ پھرنے والے کتوں کو پکڑ کر ان کی نس بندی کی جائے گی، بعد ازاں اسٹریلائزیشن کے عمل سے گزار کر کتوں کو ان کی متعلقہ جگہوں پر دوبارہ چھوڑ دیا جائے گا۔

وزیر اعلی سندھ کے حلقہ انتخاب میں آوارہ کتوں نے خاتون کی جان لے لی

اس پورے منصوبے کی لاگت 264ملین روپے رکھی گئی ہے اور بروقت تکمیل کے لیے رقم کا اجرا بھی کیا جاچکا ہے۔

اس کامیاب ڈاگ کنٹرول پروگرام سے نہ صرف آوارہ کتوں کی بہتات اور کاٹے کی شکایات سے نجات ملے گی بلکہ عوام کو محفوظ اور پرسکون معاشرہ بھی میسر آسکے گا۔

پانچ سالہ منصوبے کے دوران اس امر کا بطور خاص خیال رکھا جائے گا کہ کسی بھی مرحلے پر کسی بھی جاندار کی جان ضائع نہ ہو کیونکہ حکومت سندھ انسانی ہمدردی اور جانداروں کے تحفظ کے فلسفے پر مکمل یقین رکھتی ہے۔