سینیٹ میں قومی ہیرو ارشد ندیم کو خراج تحسین پیش کرنے کی قرارداد منظور
اسلام آباد: سینیٹ میں قومی ہیرو ارشد ندیم کو اولمپکس میں کامیابی پرخراج تحسین پیش کرنے کی قرارداد منظور کرلی گئی۔
سینیٹ اجلاس کے دوران اولمپکس کے جیولین تھرو مقابلے میں طلائی تمغہ جیتنے والے قومی ہیرو ارشد ندیم کو مبارک باد پیش کرنے کی قرارداد منظور کی گئی۔
قرارداد وفاقی وزیر قانون اعظم نذیر تارڑ نے ایوان میں پیش کی جب کہ قرارداد کے متن میں کہا گیا ہے کہ ارشد ندیم کی کامیابی محنت اور لگن سے منزل مقصود تک پہنچنے کا ثبوت ہے۔
متن کے مطابق ارشد ندیم کی کامیابی نے نوجوانوں کے لئے نئی اُمید پیدا کی، حکومت تعلیمی اداروں کی سطح پر نوجوانوں کو کھیلوں کے مواقع فراہم کرے۔
قراداد کے متن میں مزید کہا گیا ہے کہ ارشد ندیم کی کامیابی قوم کے لئے بیداری کا باعث بنی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
