یو اے ای حکومت کا یکم ستمبر سے 31 اکتوبر تک ایمنسٹی اسکیم کا اعلان

ویب ڈیسک

03rd Sep, 2024. 02:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یو اے ای حکومت کا یکم ستمبر سے 31 اکتوبر تک ایمنسٹی اسکیم کا اعلان

یو اے ای حکومت نے یکم ستمبر سے 31 اکتوبر تک ایمنسٹی سکیم کا اعلان کیا ہے۔

پاکستانی سفارت خانہ اور قونصلیٹ جنرل کمیونٹی کی معاونت کے لیے پرعزم، قونصل جنرل آف پاکستان نے پاکستانی کمیونٹی کے لیے خصوصی ہدایت بھی جاری کردیں۔

ہدایات میں کہا گیا کہ متحدہ عرب امارات میں مقیم پاکستانی شہری اس امر کو یقینی بنائیں کہ وہ متحدہ عرب امارات کی حکومت کی ایمنسٹی اسکیم سے بھرپور فائدہ اٹھا سکیں۔

سفارت خانے اور قونصلیٹ جنرل نے توسیعی دفتری اوقات اور آؤٹ پاس کی سہولت سمیت مختلف اقدامات کئے ہیں۔

توسیعی دفتری اوقات کے تحت قومی شناختی کارڈز ، پاسپورٹ سیکشنز اور تصدیق کی خدمات اکتوبر 2024 کے آخر تک ہفتہ کے روز کھلی رہیں گی،تاکہ ان درخواست دہندگان کو ایڈجسٹ کیا جا سکے جنہیں اپنے دستاویزات کی تجدید، اپ ڈیٹ یا توثیق کرنے کی ضرورت ہے۔

سفارت خانہ اور قونصلیٹ جنرل اس عرصے کے دوران پاکستانی کمیونٹی کے ارکان کی مدد کے لیے پوری طرح پرعزم ہیں۔