سندھ سے آنے والے قافلوں کو بہانوں سے جگہ جگہ روکا گیا، بیرسٹر سیف

ویب ڈیسک

08th Sep, 2024. 12:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ سے آنے والے قافلوں کو بہانوں سے جگہ جگہ روکا گیا، بیرسٹر سیف

اسلام آباد: مشیر اطلاعات خیبر پختونخوا بیرسٹر محمد علی سیف نے کہا ہے کہ سندھ سے آنے والے قافلوں کو بہانوں سے جگہ جگہ روکا گیا ہے۔

بیرسٹر سیف نے اسلام آباد میں پریس کانفرنس کرتے ہوئے کہا کہ آج پاکستان کے عوام کو جیل میں نظر بند پی ٹی آئی کے اسیروں کو جلسے کی شاندار کامیابی کی مبارکباد دیتا ہوں، ہم جو پیغام اس غاصب حکومت کو دینا چاہتے تھے اس کی حدت ان تک پہنچ چکی ہے۔

انہوں نے کہا کہ بانی پی ٹی آئی اور ان کی پارٹی عوام اور جمہوریت کی پہچان بن چکے ہیں، ہر سڑک ہر گلی ایک محصور شہر کا منظر بن چکی ہے

مشیر اطلاعات کا کہنا تھا کہ سندھ سے آنے والے قافلوں کو بہانوں سے جگہ جگہ روکا گیا ہے، ملک کی بڑی شاہراہوں کو بند کردیا گیا، ٹول پلازوں پر پی ٹی آئی کے جلوسوں کو روکا گیا ہے۔

بیرسٹر سیف نے مزید کہا کہ اسلام آباد میں کنٹینروں کا جلسہ عام کیا جارہا ہے، جو کنٹینرز سڑکوں پر پڑے ہیں ان کو عوام کے ٹیکسوں کے پیسوں سے ادائیگی کی جارہی ہے۔