آج انکشاف ہوا کہ اسرائیل پی ٹی آئی کی پشت پر ہے، خواجہ آصف

ویب ڈیسک

08th Sep, 2024. 08:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آج انکشاف ہوا کہ اسرائیل پی ٹی آئی کی پشت پر ہے، خواجہ آصف

وفاقی وزیر دفاع خواجہ آصف کا کہنا ہے کہ آج انکشاف ہوا ہے کہ اسرائیل پی ٹی آئی کی پشت پر ہے۔

وزیر دفاع خواجہ آصف نے اپنے ایک خصوصی ویڈیو بیان میں کہا کہ اسرائیلی میڈیا بانی پی ٹی آئی کے حق میں لکھ رہا ہے، آج انکشاف ہوا کہ اسرائیل پی ٹی آئی کی پشت پر ہے۔

انہوں نے کہا کہ پاکستان مسلم دنیا میں اہم مقام رکھتا ہے، بانی پی ٹی آئی نے ملکی تشخص کو خراب کرنے کی کوشش کی، اسرائیلی میڈیا نے ان کی سیاسی آڈاپشن کی ہوئی ہے۔

خواجہ آصف کا کہنا تھا کہ اسرائیل غزہ میں فلسطینیوں کا قتل عام کر رہا ہے، بانی پی ٹی آئی نے کبھی بھی کھل کر اسرائیل کے مظالم پر بات نہیں کی، بانی پی ٹی آئی نے نوجوانوں کو گمراہ کرنے کی کوشش کی۔

وزیر دفاع نے کہا کہ ہمارا تشخص بانی پی ٹی آئی کی وجہ سے خطرے میں پڑا ہوا ہے، پاکستان میں بانی پی ٹی آئی کے چاہنے والے اس کو پرکھیں۔

وفاقی وزیر دفاع خواجہ آصف نے اپنے ویڈیو بیان میں مزید کہا کہ بانی پی ٹی آئی نے لندن میں یہودی کی کمپین کی تھی۔