دفتر میں بیٹھ کر فیصلے نہیں کرتی، وزیر اعلیٰ مریم نواز

ویب ڈیسک

18th Sep, 2024. 06:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دفتر میں بیٹھ کر فیصلے نہیں کرتی، وزیر اعلیٰ مریم نواز

وزیر اعلیٰ پنجاب مریم نواز کا کہنا ہے کہ میں دفتر میں بیٹھ کر فیصلے نہیں کرتی۔

لاہور میں ایک تقریب سے خطاب کرتے ہوئے وزیر اعلیٰ پنجاب مریم نواز کا کہنا تھا کہ جو خواب دیکھا تھا اس کا آج آغاز ہو گیا ہے۔

انہوں نے کہا کہ عوام میں جا کران سے بات چیت کر کے اقدامات کرتی ہوں، ہر سطح پر لوگوں کو ریلیف دینے کے لیے پراجیکٹس لا رہے ہیں اور اسکولوں میں تعلیم کی بہتری کے لیے اقدامات کیے گئے ہیں۔

وزیر اعلیٰ نے کہا کہ پہلے مرحلے میں 5 ہزار 800 اسکولز کو آؤٹ سورس کر رہے ہیں، ہماری کوشش ہےلوگوں کوزیادہ سےزیادہ ریلیف دےسکیں، اور 14 ہزار اسکولوں کو آؤٹ سورس کر رہے ہیں۔

انہوں نے کہا کہ پنجاب ٹیکسٹ بک بورڈ پر بریفنگ لی تو سن کر اوسان خطا ہو گئے، 5 سال تک پنجاب میں کرپشن کے سوا کچھ نہیں ہوا۔

ان کا کہنا تھا کہ پی ٹی آئی کے ایجوکیشن منسٹر نے ٹیکسٹ بک بورڈ میں کرپشن کی۔

وزیر اعلیٰ پنجاب مریم نواز کا مزید کہنا تھا کہ کچھ بچے ایسے ہیں جو کلاس روم سے باہر بیٹھ کر پڑھتے ہیں۔