وزیراعلٰی کے پی علی امین گنڈاپور کے ناقابل ضمانت وارنٹ گرفتاری جاری

سلمان علی اعوان

21st Sep, 2024. 04:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعلٰی کے پی علی امین گنڈاپور کے ناقابل ضمانت وارنٹ گرفتاری جاری

انسداد دہشت گردی عدالت اسلام آباد نے وزیراعلٰی خیبرپختون خوا علی امین گنڈا پور کے ناقابلِ ضمانت وارنٹ گرفتار جاری کردیے۔

عدالت نے پی ٹی آئی رہنماؤں واثق قیوم عباسی، راشد حفیظ اورعامر محمود کیانی کے بھی ناقابل ضمانت وارنٹ گرفتاری جاری کیے ہیں۔ عدالت نے مسلسل غیر حاضری پرعمرتنویر بٹ کو اشتہاری قرار دے دیا۔

پی ٹی آئی رہنماؤں کے خلاف دہشت گردی کی دفعات کے تحت تھانہ آئی نائن اسلام آباد میں مقدمہ درج ہے۔ علی امین گنڈاپور کی جوڈیشل کمپلیکس توڑ پھوڑ کیس میں درخواستِ ضمانت بھی خارج کردی گئی۔

علاوہ ازیں انسدادِ دہشتگردی عدالت میں فیصل جاوید کی وکیل آمنہ علی ایڈووکیٹ نے حاضری کی معافی کی درخواست جمع کروائی ہے جبکہ خرم شہزاد نواز اور راجہ ماجد اپنے وکلاء کے ہمراہ عدالت پیش ہوئے۔

علی امین گنڈاپور کی جانب سےحاضری سے استثنیٰ کی درخواست بھی عدالت میں جمع کرادی گئی ہے۔ پراسیکیوٹر راجہ نوید نے کہا کہ عدالت ملزم کا کنڈکٹ دیکھ لے، مسلسل خلاف ورزی ہو رہی ہے۔