پاکستانی تمباکو کی دنیا بھر میں مانگ، برآمدات میں تاریخی اضافہ

عمر حیات خان

22nd Sep, 2024. 02:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستانی تمباکو کی دنیا بھر میں مانگ، برآمدات میں تاریخی اضافہ

پاکستانی تمباکو کی دنیا میں مانگ بڑھ گئی، جس کے بعد برآمدات میں تاریخی اضافہ ہوگیا ہے۔

سرکاری دستاویز کے مطابق تمباکو کی برآمدات میں 538 فیصد کا سالانہ اضافہ ریکارڈ ہوا ہے، جبکہ اگست میں 4 ہزار 651 ٹن تمباکو بیرون ممالک ایکسپورٹ کیا گیا۔

دستاویز میں بتایا گیا کہ 4651 ٹن تمباکو برآمدات سے ایک کروڑ 95 لاکھ ڈالر سے زائد زرمبادلہ آیا، جبکہ گزشتہ سال اگست میں پاکستان نے 1255 ٹن تمباکو ایکسپورٹ کیا تھا۔

دستاویز کے مطابق گزشتہ سال اگست میں تمباکو کی برآمدات 30 لاکھ 66 ہزار ڈالر تھیں، جولائی کی نسبت اگست میں تمباکو کی برآمدات میں ماہانہ 4225 فیصد اضافہ ہوا ہے، جبکہ جولائی میں 180 میٹرک ٹن تمباکو ایکسپورٹ کیا گیا تھا۔

سرکاری دستاویز میں بتایا گیا کہ رواں مالی سال پہلے 2 ماہ میں بھی تمباکو کی برآمدات میں 291 فیصد اضافہ ہوا، جبکہ جولائی اگست میں تمباکو کی مجموعی برآمدات 2 کروڑ ڈالر سے زائد ریکارڈ ہوئی ہے، گزشتہ مالی سال اسی عرصے میں تمباکو برآمدات 51 لاکھ ڈالر سے زائد تھیں۔