وفاقی وزیر تجارت جام کمال خان نے کہا کہ پاکستان زیتون کی کاشت میں نمایاں پیشرفت کررہا ہے، برآمدات جلد شروع ہوں گی۔

اسلام آباد میں وزارت تجارت میں برطانوی ٹریڈ کمشنر اولیور کرسچن اور وزیر تجارت جام کمال کی ملاقات ہوئی۔

اس موقع پر وفاقی وزیر تجارت جام کمال خان کا کہنا تھا کہ پاکستان میں فوڈ سیکٹر میں ویلیو ایڈیشن سے برآمدات چار گنا بڑھائی جا سکتی ہیں، وزیراعظم شہباز شریف کی قیادت میں برآمدات کو 30 ارب سے 60 ارب ڈالر تک بڑھانے کا ہدف دیا ہے۔

انہوں نے کہا کہ فوڈ ایگ ایکسپو کراچی میں 800 سے زائد غیر ملکی مندوبین کی شرکت اہم تجارتی موقع ثابت ہوئی، پاکستان زیتون کی کاشت میں نمایاں پیشرفت کررہا ہے، برآمدات جلد شروع ہوں گی۔

برطانوی ٹریڈ کمشنر اولیور کرسچن کا کہنا تھا کہ برطانیہ کے ساتھ دو طرفہ تجارت بڑھانے کی مکمل حمایت کرتے ہیں، پاکستان برطانیہ کے لئے زرعی مصنوعات کا ایک بڑا ذریعہ بن سکتا ہے۔

انہوں نے کہا کہ پاکستان اور برطانیہ تجارتی مکالمے کے ذریعے تجارتی تعلقات کو مزید فروغ دیں گے، پاکستان اور برطانیہ کے درمیان تجارتی حجم میں اضافہ ضروری ہے، دونوں ممالک کے لیے نئی راہیں کھولیں گے۔

جام کمال کا کہنا تھا کہ پاکستان میں ویلیو ایڈڈ فوڈ سیکٹر میں زبردست برآمدی صلاحیت موجود ہے، وزیر اعظم شہباز شریف کی قیادت میں حکومت برآمدات کو 30 ارب ڈالر سے 60 ارب ڈالر تک بڑھانے کے لیے پرعزم ہے۔

وفاقی وزیر تجارت کے مطابق فوڈ ایگ ایکسپو میں 800 سے زائد غیر ملکی مندوبین کی شرکت سے کاروباری مواقع میں اضافہ ہوا، پاکستان زیتون کی برآمدات میں بڑی پیشرفت کے قریب ہے، وسیع پیمانے پر کاشت جاری ہے۔