قرض پروگرام کیلئے آئی ایم ایف کی مزید کڑی شرائط سامنے آگئیں

ویب ڈیسک

27th Sep, 2024. 10:01 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قرض پروگرام کیلئے آئی ایم ایف کی مزید کڑی شرائط سامنے آگئیں

قرض پروگرام کیلئے عالمی مالیاتی ادارے (آئی ایم ایف) کی مزید کڑی شرائط سامنے آگئیں ہیں۔

ذرائع وزارت خزانہ کے مطابق آئی ایم ایف نے پاکستان سے پھرڈومورکا مطالبہ کردیا، جبکہ پاکستان این ایف سی ایوارڈ فارمولے پرنظرثانی کرے گا۔

ذرائع وزارت خزانہ نے بتایا کہ صوبائی حکومتوں کے اخراجات آئی ایم ایف مانیٹر کرے گا، جبکہ وفاق اورصوبوں کےدرمیان نیشنل فنانس پیکٹ پربات چیت جاری۔

ذرائع کے مطابق توانائی شعبےکوجی ڈی پی کےایک فیصد سے زائد سبسڈی نہیں ملےگی، اس کے علاوہ آئی ایم ایف پروگرام کے دوران حکومت ضمنی گرانٹس جاری نہیں کرےگی۔

ذرائع وزارت خزانہ نے بتایا کہ ملک کے زرعی شعبے کو بھی ٹیکس نیٹ میں لایاجائے گا، پراپرٹی اورریٹیل سیکٹرکو بھی ٹیکس نیٹ میں لایا جائےگا۔

ذرائع وزارت خزانہ کے مطابق بجلی کی قیمتوں میں کمی کیلئےاصلاحات کی جائیں گی، حکومت بجلی کی قیمتوں میں کمی کیلئے جامع پیکیج لائے گی۔

ذرائع وزارت خزانہ نے بتایا کہ توانائی شعبے کے پاورپرچیزمعاہدوں پرنظرثانی کی جائے گی، جبکہ پنجاب حکومت کی طرزپرآئندہ بجلی کی قیمتوں پرریلیف نہیں دیا جاسکے گا۔

ذرائع وزارت خزانہ کے مطابق حکومت غذائی اجناس کی امدادی قیمتوں کا تعین بھی نہیں کرسکےگی، آئی ایم ایف نےوفاقی حکومت کےڈھانچےکوبھی کم کرنےکی شرط رکھ دی۔