نیپال کے ساتھ مکمل یکجہتی اور مدد کیلئے تیار ہیں، وزیراعظم

ویب ڈیسک

30th Sep, 2024. 09:48 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نیپال کے ساتھ مکمل یکجہتی اور مدد کیلئے تیار ہیں، وزیراعظم

کئی دہائیوں سے ہمارانظام انحطاط کاشکار ہے، وزیراعظم

اسلام آباد: وزیراعظم محمد شہباز شریف نے کہا ہے کہ نیپال کے ساتھ مکمل یکجہتی اور مدد کے لئے تیار ہیں۔

وزیراعظم شہباز شریف نے نیپال میں تباہ کن سیلاب سے قیمتی جانوں کے المناک نقصان پر دلی دکھ اور افسوس کا اظہار کیا ہے۔

سوشل میڈیا پلیٹ فارم (ایکس) پر ایک پوسٹ میں وزیراعظم نے کہا کہ پاکستانی قوم کے دل اس مشکل وقت میں نیپالی وزیر اعظم کے پی شرما اولی اور نیپال کے عوام کے ساتھ ہیں۔

شہباز شریف نے 2022 میں شدید سیلاب کے حوالے سے پاکستان کے اپنے تجربے کو یاد کرتے ہوئے کہا کہ 2022 میں پاکستان نے تباہ کن سیلاب کا سامنا کیا۔

وزیراعظم نے مزید کہا کہ پاکستان نیپال کے ساتھ مکمل یکجہتی کے ساتھ کھڑا ہے اور کسی بھی ضروری امداد کی پیشکش کے لیے تیار ہے۔

واضح رہے کہ نیپال کے دارالحکومت کھٹمنڈو میں دو روز سے جاری شدیدبارشوں کے بعد پیدا ہونے والی سیلابی صورتحال اور لینڈسلائیڈنگ کے باعث ہلاکتوں کی تعداد 170 ہوگئی۔

نیپالی حکام کے مطابق بارش، سیلاب اور لینڈ سلائیڈنگ کے باعث اب تک 170 افراد ہلاک ہو چکے جبکہ 68 افراد لاپتہ اور 100 سے زائد افراد زخمی ہوگئے ہیں۔