ملتان: انگلینڈ کے خلاف پہلے ٹیسٹ میں قومی ٹیم مشکلات سے دوچار دکھائی دے رہی ہے۔

پاکستان اورانگلینڈ کی ٹیموں کے درمیان ٹیسٹ سیریز کا پہلا میچ ملتان کرکٹ اسٹیڈیم میں جاری جس کے چوتھے دن کا کھیل ختم ہوگیا ہے۔

دن کے اختتام تک پاکستان نے 6 وکٹوں کے نقصان پر 152 رنز بنالیے ہیں جب کہ پاکستان کو اننگز کی شکست سے بچنے کے لئے 115 رنز درکار ہیں۔

سلمان علی آغا 41، عامرجمال 27 رنز کے ساتھ وکٹ پر موجود ہیں، صائم ایوب 22، سعود شکیل 29 اور شان مسعود 11 رنز بناکر آؤٹ ہوئے۔

محمد رضوان 10، بابراعظم 5 اور عبداللہ شفیق بغیر کوئی رن بنائے پویلین لوٹے۔

خیال رہے کہ انگلینڈ نے پاکستان کی پہلی اننگز کے 556 رنز کے جواب میں اپنی پہلی اننگز 823 رنز 7 کھلاڑی آؤٹ پر ڈکلیئر کردی تھی۔

انگلینڈ کی جانب سے ہیری بروک اور جو روٹ نے 454 رنز کی ریکارڈ شراکت قائم کی، جو روٹ 262 رنز بناکر آؤٹ ہوئے۔

ہیری بروک انگلینڈ کی جانب سے ٹرپل سنچری اسکور کرنے والے چھٹے بلے باز بن گئے۔ وہ 317 رنز بناکر آؤٹ ہوئے۔

بین ڈکٹ 84 ، زیک کرولی 78، جیمی اسمتھ 31 اور کپتان اولی پوپ بغیر کوئیرن بنائے آؤٹ ہوئے۔ کرس ووکس 17 اور برائڈن کارس 9 رنز پر ناٹ آؤٹ رہے۔

پاکستان کی جانب سے صائم ایوب اور نسیم شاہ نے 2،2 جبکہ شاہین آفریدی، سلمان علی آغا اور عامر جمال نے ایک ایک وکٹ حاصل کی۔

اس سے قبل پاکستان نے ٹاس جیت کر پہلے بیٹنگ کرتے ہوئے کپتان شان مسعود(151)، سلمان علی آغا (ناقابل شکست 104) اور عبداللہ شفیق (102) کی  سنچریز کی بدولت 556 رنز بنائے تھے۔

سعود شکیل 82، نسیم شاہ 33، بابر اعظم 30، شاہین آفریدی 26، عامر جمال 7، صائم ایوب 4، ابرار احمد 3 اور محمد رضوان بغیر کوئی رن بنائے آؤٹ ہوئے تھے۔