اویس لغاری نے کہا ہے کہ کراچی میں بجلی کی قیمت 10 روپے فی یونٹ کم ہونی چاہیے، بجلی کی قیمت کم کرنے کے لیے ہمیں مختلف مراحل سے گزرنا پڑا۔

اسلام آباد میں وفاقی وزیربرائے توانائی اویس لغاری نے نیوزکانفرنس کرتے ہوئے کہا کہ بجلی کے سیکٹرمیں بہت ساری اصلاحات کی ضرورت ہے، بجلی سستی ہونے سے مانگ میں اضافہ ہوگا، آئی پی پیزکے معاہدوں کی ہر شق کواسٹڈی کیا۔

وفاقی وزیر توانائی نے کہا کہ حکومت کا فیصلہ تھا بجلی کی قیمتیں لوگوں کی پہنچ میں آئیں، حکومتی اقدامات سے مرحلہ واربجلی کی قیمت کم ہوگی، جائزہ لیا کن پاورپلانٹس کی ضرورت ہے، کن کی ضرورت نہیں۔

اویس لغاری نے کہا کہ 5 آئی پی پیزسے نئے معاہدے سے 411 ارب روپے کی بچت ہوگی، پاکستان کوسالانہ 70 ارب روپے کا فائدہ ہوگا، آئی پی پیزسے تسلیم کرایا کہ وہ اربوں روپے منافع کما چکے۔

انھوں نے کہا کہ آرمی چیف نے ٹاسک فورس میں اپنے اداروں کی حمایت کویقینی بنایا، کراچی کا بدقسمت واقعہ نہ ہوتا توایک 2 ہفتے میں ایم اویوز کررہے ہوتے، 5 آئی پی پیزمالکان کے شکرگزارہیں۔ ان پانچ آئی پی پیز کے ساتھ دو سے تین دن میں تمام امور مکمل ہو جائیں گے۔

وفاقی وزیرنے کہا کہ جیسے ہی یہ امور مکمل ہونگے 72 پیسے کی کمی ہو جائے گی، پانچ آئی پی پیز مکمل طور پر بند ان کا اب سسٹم سے کوئی تعلق نہیں، آئی پی پیزکو جرمانوں کی مد میں ادائیگیاں ہم نہیں کریں گے، واجب الادا رقم ان آئی پی پیزکو جتنی بنے گی ادا ہوگی۔

اویس لغاری نے مذید کہا کہا کہ ہم نے دو منٹ کی تالیاں بجانے کی بجائے خاموشی سے کام کیا، شاٹ ٹرم میں ہمارا پلان 10 روپے تک قیمتوں میں کمی لانا ہے، سیلزٹیکس انکم ٹیکس پی ٹی وی فیس وغیرہ سب کو دیکھ کر کمی لانا ہوگی، موسم سرما کیلئے بڑا ریلیف پیکج ہوگا شاید جو کہ مشروط آئی ایم ایف سے ہوگا۔