اوگرا نے تیل کمپنیز کو نوازنے اور عوام پر مالی بوجھ ڈالنے کا نسخہ تیار کرلیا

کفیل احمد

11th Oct, 2024. 06:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اوگرا نے تیل کمپنیز کو نوازنے اور عوام پر مالی بوجھ ڈالنے کا نسخہ تیار کرلیا

اسلام آباد: اوگرا نے پیٹرول پمپس اور آئل مارکیٹنگ کمپنیز کا منافع مزید بڑھانے کی سمری تیار کرلی۔

اوگرا نے پیٹرول پمپس اور آئل مارکیٹنگ کمپنیز کا منافع مزید بڑھانے کی سمری تیار کرتے ہوئے تیل کمپنیوں کا منافع 1 روپے 35 پیسے اضافے سے 9 روپے 22 پیسے فی لیٹرکرنے کی تجویز دے دی۔

پٹرول اور ڈیزل پر منافع 7 روپے 87 پیسے سے بڑھا کر 9 روپے 22 پیسے کرنے کی تجویز ہے، پیٹرول پمپس کا منافع 1 روپے 40 پیسے اضافے سے 10 روپے 4 پیسے فی لیٹرکرنے کی تجویز ہے۔

اس وقت ڈیزل اور پیٹرول پر مارجن 8 روپے 64 پیسے فی لیٹر ہے، منافع میں مجوزہ اضافے میں پٹرول پمپس کو ڈیجیٹلائز کرنے کی لاگت بھی شامل ہوگی۔

ذرائع کے مطابق تیل کمپنیز کے مجوزہ منافع میں 50 پیسے فی لیٹر ڈیجیٹلائزیشن پراجیکٹ لاگت بھی شامل ہے جب کہ پٹرول پمپس کے مجوزہ منافع میں 25 پیسے فی لیٹر ڈیجیٹلائزیشن پراجیکٹ لاگت بھی شامل ہے۔

ذرائع کا کہنا ہے کہ آئل مارکیٹنگ کمپنیوں کو تمام پیٹرول پمپس ڈیجیٹلائز کرنا ہوں گے، تمام پیٹرول پمپس ڈیلرسائٹس کی ماہانہ ڈیجیٹلائزیشن رپورٹ ایف بی آر اور وزارت توانائی کو دینا ہوگی۔