پاکستان شنگھائی تعاون تنظیم کے سربراہی اجلاس کی میزبانی کے لیے تیار ہے۔

شہر اقتدار میں 15 اور 16 اکتوبر کو ہونے والے شنگھائی تعاون تنظیم کے سربراہ اجلاس کے تمام انتظامات مکمل کر لیے گئے ہیں۔

وزیراعظم شہبازشریف سربراہ اجلاس کی صدارت کریں گے، چین، روس، بیلاروس، قازقستان اور کرغزستان کے وزرائے اعظم شرکت کریں گے، تاجکستان اورازبکستان کے وزرائے اعظم بھی شرکت کریں گے۔

ایران کے اول نائب صدر اور بھارتی وزیر خارجہ بھی شرکت کر رہے ہیں، منگولیا کے وزیراعظم اور وزیر خارجہ ترکمانستان مہمان خصوصی ہوں گے۔

دفتر خارجہ کے ترجمان کے مطابق چین کے وزیر اعظم لی چیانگ 14 سے17 اکتوبر تک پاکستان کا دورہ کریں گے، چینی وزیراعظم، وزیراعظم شہباز شریف کی دعوت پر پاکستان کا دورہ کر رہے ہیں۔

وزیراعظم لی چیانگ کے ہمراہ خارجہ، تجارت کے وزرا و دیگر حکام بھی آئیں گے، پاک چین وزرائےاعظم سی پیک کےتحت تعاون پرجامع بات چیت کریں گے۔ 

وزیراعظم شہبازشریف اور وزیر اعظم لی چیانگ اپنے اپنے وفود کی قیادت کریں گے، پاک چین تعلقات کے تمام پہلوؤں بشمول اقتصادی، تجارتی تعلقات پر بات ہو گی، دونوں فریقین علاقائی اورعالمی پیش رفت پربھی بات کریں گے۔

چینی وزیراعظم، صدرآصف زرداری سے بھی ملاقات کریں گے، چینی وزیراعظم پارلیمانی رہنماؤں، اعلیٰ عسکری قیادت سے ملاقاتیں کریں گے۔

ترجمان دفتر خارجہ کے مطابق چینی وزیراعظم ایس سی او سربراہان حکومت کونسل کے اجلاس میں شرکت کریں گے۔