شنگھائی تعاون تنظیم کا سربراہی اجلاس؛ ایجنڈے کو حتمی شکل دے دی

ویب ڈیسک

16th Oct, 2024. 01:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شنگھائی تعاون تنظیم کا سربراہی اجلاس؛ ایجنڈے کو حتمی شکل دے دی

اسلام آباد: شنگھائی تعاون تنظیم (ایس سی او) کے سربراہی اجلاس کے ایجنڈے کو حتمی شکل دے دی گئی ہے۔

ذرائع کے مطابق ایس سی او کے نیشنل ہیڈکوآرڈی نیٹرز نے حتمی ایجنڈا مرتب کرلیا، اجلاس میں 8 سے 10 دستاویزات کی منظوری دی جائے گی، دستاویزات کا تعلق معاشی تعاون اور تجارت کے فروغ سے ہے۔

سربراہی اجلاس کے اختتام پر مشترکہ اعلامیہ جاری ہوگا، جس میں ماحولیاتی تبدیلی اور قدرتی آفات پرتعاون بڑھانے کا ذکر جائے گا۔

ذرائع نے بتایا کہ اعلامیے میں ای کامرس، ڈیجیٹل تعاون، ٹریڈ اینڈ ٹرانزٹ کے معاملات بھی شامل ہوں گے۔

واضح رہے کہ وزیر اعظم شہباز شریف کی زیر صدارت شنگھائی تعاون تنظیم (ایس سی او) کی کونسل آف ہیڈز آف گورنمنٹ کا 23 واں اجلاس جاری ہے۔

مزید پڑھیں: شنگھائی تعاون تنظیم کا سربراہی اجلاس؛ رکن ممالک کے سربراہان کا پُرتپاک استقبال

ایس سی او کے سربراہ اجلاس میں رکن ممالک کے سربراہان نے آپس میں غیر رسمی گفتگو کی اور علاقائی مسائل اور اہم چیلنجز پر تبادلہ خیال کیا۔

چین کے وزیراعظم لی چیانگ وزیراعظم شہباز شریف سے محو گفتگو رہے، دونوں رہنمائوں کے درمیان گفتگو انتہائی خوشگوار ماحول میں جاری رہی۔

بیرون ملک سے آئے مہمانوں نے ایس سی او سربراہ کانفرنس کیلئے پاکستان کی جانب سے کیے گئے انتظامات کو سراہا۔