پاکستان کرکٹ کیلئے یہ جیت بہت ضروری تھی، شان مسعود

ویب ڈیسک

18th Oct, 2024. 01:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کرکٹ کیلئے یہ جیت بہت ضروری تھی، شان مسعود

قومی کرکٹ ٹیم کے کپتان شان مسعود کا کہنا ہے کہ پاکستان کرکٹ کے لیے یہ جیت بہت ضروری تھی۔

ملتان ٹیسٹ میں انگلینڈ کو شکست دینے کے بعد قومی کرکٹ ٹیم کے کپتان شان مسعود کا کہنا تھا کہ تمام کھلاڑیوں نے جیت میں کردار ادا کیا، ہر کھلاڑی نے اپنے اپنے شعبے میں بہترین کارکردگی دکھائی۔

شان مسعود نے کہا کہ بنگلہ دیش سیریز کے بعد اس سیریز میں تبدیلی کا پلان تھا۔ پاکستان کرکٹ کے لیے یہ جیت بہت ضروری تھی، یہ جیت ہمارے اور فینز کے لیے بہت بڑا ریلیف ہے۔

انہوں نے کہا کہ ہم نےرسک فری کرکٹ کھیلی اور کوشش کی کہ رزلٹ آئیں،میچ ہارے بھی ہیں مگر رزلٹ کے لیے کوشش کرتے رہے۔

قومی کپتان کا کہنا تھا کہ ٹیسٹ میچ میں جیت کے لیے 20 آؤٹ کرنے ہوتے ہیں۔ نعمان علی اور ساجد خان نے بولنگ میں شاندار پرفارمنس دی ،کامران غلام نے بھی پریشر میں شاندار سنچری اسکور کی۔

میچ کے بہترین کھلاڑی کا اعزاز پانے والے ساجد خان نے کہا کہ ٹیم کیلئے پرفارم کر کے خوشی ہوئی۔

واضح رہے کہ ملتان میں کھیلے گئے دوسرے ٹیسٹ میچ میں پاکستان نے انگلینڈ کو 152 رنز سے شکست دے کر تین میچز کی سیریز1-1 سے برابر کرلی ہے۔