پی ٹی آئی 26 ویں آئینی ترمیم پر ووٹ نہیں دے گی، بیرسٹر گوہر

ویب ڈیسک

20th Oct, 2024. 05:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ٹی آئی 26 ویں آئینی ترمیم پر ووٹ نہیں دے گی، بیرسٹر گوہر

پی ٹی آئی کے رہنما بیرسٹر گوہر کا کہنا ہے کہ ہماری جماعت 26 ویں آئینی ترمیم پر ووٹ نہیں دے گی۔

مولانا فضل الرحمان کے ہمراہ میڈیا سے گفتگو کرتے ہوئے بیرسٹر گوہر کا کہنا تھا کہ ملاقاتوں کا سلسلہ کافی عرصے سے جاری ہے۔

انہوں نے کہا کہ آئینی ترامیم پر مولانا فضل الرحمان کے کردار کے مشکور ہیں، ترامیم سنجیدہ مسئلہ ہے جسے پی ٹی آئی اچھے سے سمجھتی ہے، پی ٹی آئی 26 ویں آئینی ترمیم کیلئے ووٹ نہیں دے گی۔

پی ٹی آئی واضح کرچکی بانی کے مشورے سے فیصلہ کرتے ہیں، آج بھی ہم نے حکومت کے مسودے پر غور کیا، جس طریقے سے آئینی ترامیم کی جارہی ہیں اس پرتحفظات ہیں۔

بیرسٹر گوہر نے کہا کہ ہمارےاین این ایز اور سینیٹرز واپس آجائیں، ہم اپنا مؤقف قومی اسمبلی اور سینیٹ میں رکھیں گے، مولانا فضل الرحمان نے اپوزیشن میں ہمارا ساتھ دیا۔

پی ٹی آئی رہنما بیرسٹر گوہر کا مزید کہنا تھا کہ مولانافضل الرحمان کےساتھ مستقبل میں ہمارا تعلق رہے گا، ہمیں کوئی گلہ نہیں، مولانا فضل الرحمان اس بل کوسپورٹ کریں گے۔