نئے چیف جسٹس کی تقرری کیلئے خصوصی پارلیمانی کمیٹی کا اجلاس ملتوی

طیب بلوچ

22nd Oct, 2024. 05:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نئے چیف جسٹس کی تقرری کیلئے خصوصی پارلیمانی کمیٹی کا اجلاس ملتوی

نئے چیف جسٹس آف پاکستان کی تقرری کیلئے 12 رکنی خصوصی پارلیمانی کمیٹی کا اجلاس ساڑھے 8 بجے تک ملتوی کردیا گیا۔

تحریک انصاف اورسنی اتحاد کونسل کے ارکان کے علاوہ دیگر تمام کمیٹی ارکان شریک تھے۔

وزیرقانون اعظم نذیرتارڑ نے میڈیا سے گفتگو کرتے ہوئے بتایا کہ چیف جسٹس پاکستان کی نامزدگی کیلئے کمیٹی کا پہلا اجلاس ہوا، جواَب ساڑھے 8 بجے دوبارہ ہوگا۔

خصوصی پارلیمانی کمیٹی کا بند کمرہ اجلاس پارلیمنٹ ہاؤس کے کمیٹی روم 5 میں ہوا، جے یو آئی کے کامران مرتضیٰ، مسلم لیگ ن کی شائستہ پرویز، ایم کیو ایم کی رعنا انصار، وفاقی سیکرٹری قانون وانصاف راجہ نعیم اکبر، راجہ پرویز اشرف، فاروق نائیک، وفاقی وزیرقانون اعظم نذیرتارڑاوروفاقی وزیر دفاع خواجہ آصف کمیٹی اجلاس میں شریک تھے۔

ذرائع کا کہنا ہے کہ کمیٹی میں چیف جسٹس کی تقرری کیلئے سیکریٹری قانون کے بھیجے گئے 3 ججز کے نام پیش کیے گئے، سیکریٹری قانون نے 3 سینئر ترین ججز کے ناموں کا پینل کمیٹی کو بھجوایا تھا۔

اجلاس میں آج ہی نئے چیف جسٹس پاکستان کی تقرری کی منظوری دیے جانے کا امکان ہے، سپریم کورٹ کے 3 سینئر ترین ججز میں جسٹس منصور علی شاہ، جسٹس منیب اختر، جسٹس یحییٰ آفریدی شامل ہیں۔

ذرائع کا کہنا ہے کہ تینوں سینئرججز کے کوائف تعلیم اورججز بننے کی تاریخوں کی تفصیل بھی ارسال کی گئی ہے۔ نئے چیف جسٹس کی تقرری موجودہ چیف جسٹس قاضی فائز عیسیٰ کی ریٹائرمنٹ سے تین روز قبل کی جائے گی۔