اسپیکر پنجاب اسمبلی ملک احمد خان نے کہا کہ چھبیسویں آئینی ترمیم آئین کو درست سمت میں ڈالنے کا پہلا قدم ہے اور جسٹس فائز عیسی نے اس حوالے نہایت شاندار کام کیا ہے۔

اسپیکر پنجاب اسمبلی ملک احمد خان نے میڈیا سے گفتگو کرتے ہوئے کہا کہ جب تک اپنی اپنی پسند کے ججز کو لے کر اعتراضات کرتے رہے گے معاملہ حل نہیں ہوگا، امیر جماعت اسلامی کے چھبیسویں آئینی ترمیم کو چیلینج کرنے کے حوالے سے بیان پر تبصرہ نہیں کرنا چاہتا۔

ملک احمد خان نے کہا کہ چھبیسویں آئینی ترمیم میں اعلی عدلیہ ججز کی تقرری کو شفافیت دی گئی ہے، ججز کی تقری کا نظام بہتری کی جانب ہوگا چند چیمبرز سے ججز لینے کی بجائیں، ہم کسی شخص کی زات پر نہیں جج صاحبان کے فیصلوں پر تنقید کرتے رہے ہیں۔

انہوں نے یہ بھی کہا کہ 184 تین کو جس طریقے سے حکومتیں نکالنے کیلئے استعمال کیا گیا وہ مناسب نہیں تھا، جسٹس فائز عیسی پر عام انتخابات کے دوران بلے کا نشان واپس لینے پر تنقید کی گئی، تحریک انصاف چار سال تک فارن فنڈنگ کیس کو التو میں ڈالتی رہی۔

اسپیکر پنجاب اسمبلی نے کہا کہ تحریک انصاف پارٹی الیکشن کو اس لیے التو کررہی تھی کہ فارن فنڈنگ میں آئیں چندے کا حساب نا دینے پڑے، سپریم کورٹ کے آٹھ جج صاحبان کو بلے کے نشان کے حوالے سے دیئے جانے والے اپنے فیصلے کے دوران اس نکتے کو بھی سامنے رکھنا چاہیے تھا۔