غزہ اور لبنان کے لیے امدادی سامان کی 13ویں کھیپ روانہ

سلمان علی اعوان

26th Oct, 2024. 11:07 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

غزہ اور لبنان کے لیے امدادی سامان کی 13ویں کھیپ روانہ

ترجمان این ڈی ایم اے کے مطابق غزہ اور لبنان کے لیے 13 ویں امدادی کھیپ روانہ کر دی گئی۔

ترجمان کا کہنا ہے کہ وزیراعظم کی ہدایت پراین ڈی ایم اے کی جانب سے غزہ اورلبنان کے لیے امداد کی فراہمی کا سلسلہ جاری ہے۔ ہفتے کے روز اسلام آباد انٹرنیشنل ائیرپورٹ سے امدادی سامان کی 13 ویں کھیپ روانہ کر دی گئی۔

این ڈی ایم اے کے ترجمان کا کہنا ہے کہ غزہ کے لیے امدادی سامان بردآرہوائی جہازعمان، اردن پہنچے گا۔ 100 ٹن امدادی سامان سردیوں کے لیے فیملی ٹینٹ اورگرم کمبلوں پرمشتمل ہے۔ این ڈی ایم اے مجموعی طور پر1381 ٹن امداد غزہ اور لبنان بھیجوا چکا ہے۔

ترجمان کے مطابق این ڈی ایم اے ابھی تک غزہ کے لیے 10 جبکہ لبنان کے لیے دو امدادی کھیپیں روانہ کر چکا ہے۔ سامان روانگی تقریب میں فلسطینی سفیر، ایم این اے بیرسٹرعقیل ملک، این ڈی ایم اے، وزارت خارجہ اور پاک آرمی نمائندگان موجود تھے۔

فلسطینی سفیرنے ہنگامی امداد پرپاکستانی عوام اورحکومت کا شکریہ ادا کیا۔

حکومت نے ہنگامی امداد کی مسلسل ترسیل کے لیے عزہ اور لبنان کے لیے وزیراعظم ریلیف فنڈ بھی قائم کیا ہے۔ عوام فلسطینی اورلبنانی بہن بھائیوں تک اپنی عطیات پہنچانے کے لیے غزہ اورلبنان کے لیے وزیراعظم ریلیف فنڈ میں عطیات جمع کروا سکتے ہیں۔