مسافر طیارہ کو کراچی سے حیدرآباد بذریعہ سڑک منتقلی کا این او سی جاری

ویب ڈیسک

31st Oct, 2024. 06:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مسافر طیارہ کو کراچی سے حیدرآباد بذریعہ سڑک منتقلی کا این او سی جاری

پاکستان کی تاریخ میں پہلی بار کسی مسافر طیارے کی بذریعہ سڑک منتقلی کے لیے نیشنل ہائی اتھارٹی نے این او سی جاری کر دیا ہے۔

پروجیکٹ ڈائریکٹر منیر عالم کا کہنا ہے کہ پاکستان ایئرپورٹ اتھارٹی کے پاس جہاز کو منتقل کرنے کے حوالے سے تمام این او سی موجود ہے۔

مسافر طیارے نے کراچی سے حیدرآباد منتقلی کا سفر شروع کر دیا ہے۔ جہاز کو ہم نے رات کو 12 بجے کے بعد ایئرپورٹ منتقل کرنا ہے، اس لئے ہم سپر ہائی وے ٹول پلازہ پر موجود ہیں۔

نیشنل ہائی وے اتھارٹی نے کارگو کمپنی کو این او سی جاری کر دیا ہے جس میں کہا گیا ہے کہ کسی بھی حادثے کا ذمہ دار ٹرانسپورٹر ہو گا۔

این ایچ اے کے مطابق نیشنل ہائی وے پر کسی بھی قسم کے نقصان کی زمیداری ٹرانسپورٹر پر ہوگی، مسافر طیارے کو لے جانے والا ٹرالر سروس لین میں چلے گا۔

جہاں سے بھی گزرے گا وہاں این ایچ اے فیلڈ آپریشن پر موجود افسران کو آگاہ کرے گا۔

اس طیارے کو حیدرآباد میں سول ایوی ایشن ٹریننگ انسٹیٹیوٹ میں رکھا جائے گا، جہاں اس کو تربیتی مقاصد کے لیے استعمال کیا جائے گا۔