قومی اسمبلی سے بلز کی منظوری پر پی ٹی آئی رہنماؤں کا ردعمل

ویب ڈیسک

04th Nov, 2024. 08:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قومی اسمبلی سے بلز کی منظوری پر پی ٹی آئی رہنماؤں کا ردعمل

قومی اسمبلی سے ججز کی تعداد اور سروسز چیفس کی مدت ملازمت بڑھانے کے بلز کی منظوری پر پی ٹی آئی رہنماؤں کا ردعمل سامنے آ گیا۔

میڈیا سے گفتگو کرتے ہوئے پی ٹی آئی رہنما عمر ایوب نے کہا کہ ان بلز کے منظوری سے قبل اپوزیشن کو نہیں سنا گیا یہ ملک کے لیے اچھا نہیں ہے۔

انہوں نے کہا کہ ن لیگ اور پیپلزپارٹی کے خلاف یہی قوانین استعمال ہوں گے، یہ قوانین ان کا پیچھا کریں گے۔

بیرسٹر گوہر کا کہنا تھا کہ بھارت کی آبادی 1 ارب 45 کروڑ ہے، اتنے بڑے ملک میں صرف 33 ججز ہیں۔

انہوں نے کہا کہ حکومت نے آج تک کوئی بھی قانون سازی قانون کے مطابق نہیں کی، حکومت کا کہنا ہے کہ آئینی وسیاسی کیسز بہت ہو گئے ہیں عوام کو نقصان پہنچ رہا ہے۔

بیرسٹر گوہر نے کہا کہ آج جمہوریت کو بادشاہت کی طرف دھکیلا جا رہا ہے، آج اپوزیشن کا کردار ختم کیا جارہا ہے، یہ بادشاہت پاکستانی عوام کی تقدیرنہیں ہوسکتی۔

آج حکومت کو ایک بار پھر بہت جلدی تھی، وزیر قانون کے علاوہ کسی دوسرے وزیر کو بل کے نکات کا معلوم نہیں تھا، بل نہ قائمہ کمیٹی میں گئے نہ بحث ہوئی۔

بیرسٹر گوہر نے مزید کہا کہ سرکار کے ایک ستون کو کمزور کرنا حکومت کو کمزور کرنے کے مترادف ہے۔