انتخابی نتائج کے بعد ہنگاموں کا خوف، واشنگٹن میں حفاظتی اقدامات کردیے گئے

ویب ڈیسک

05th Nov, 2024. 10:47 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انتخابی نتائج کے بعد ہنگاموں کا خوف، واشنگٹن میں حفاظتی اقدامات کردیے گئے

انتخابی نتائج کے بعد ہنگاموں کا خوف کے پیش نظر پردارالحکومت واشنگٹن کی اہم عمارتوں کے باہر حفاظتی دیواریں کھڑی کردی گئیں ہیں۔

امریکا میں آج صدارتی انتخابات ہو رہے ہیں جس میں سابق صدر اور ری پبلکن امیدوار ڈونلڈ ٹرمپ اور موجودہ نائب صدر اور ڈیموکریٹک امیدوار کملا ہیرس کے درمیان سخت مقابلہ متوقع ہے۔

خبر رساں ایجنسی کے مطابق مظاہروں کے خطرات کی وجہ سے وائٹ ہاؤس کے اردگرد مزید سیکیورٹی بڑھادی گئی ہے، جبکہ وائٹ ہاؤس کے آس پاس ریسٹورنٹس اور دکانوں کے شیشوں پرپلائی ووڈ لگانےکا کام جاری۔

خبر رساں ایجنسی نے بتایا کہ بائیڈن انتظامیہ کیپیٹل ہل حملے جیسے واقعہ سے بچناچاہتی ہے، جبکہ صدارتی امیدوار ٹرمپ نے انتخابات میں دھاندلی کے خدشات ظاہر کئےہیں۔

امریکا میں عام طور پر انتخابات پر امن ہوتے ہیں اور ان کے نتائج کو تسلیم بھی کرلیا جاتا ہے لیکن گزشتہ صدارتی انتخابات میں شکست کے بعد ڈونلڈ ٹرمپ نے اپنی شکست تسلیم نہیں کی تھی۔

معاملہ یہاں نہیں رکا اور 6 جنوری 2021 کو ڈونلڈ ٹرمپ کے حامیوں نے امریکی کیپیٹل ہل پر دھاوا بول دیا جہاں نئے امریکی صدر کے لیے ووٹنگ ہورہی تھی، مظاہرین نے کیپیٹل ہل کے اندر ہنگامہ آرائی کی اور توڑ پھوڑ بھی کی تھی۔