امریکی صدارتی امیدوار ڈونلڈ ٹرمپ نے اپنا ووٹ کاسٹ کر دیا

ویب ڈیسک

05th Nov, 2024. 10:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکی صدارتی امیدوار ڈونلڈ ٹرمپ نے اپنا ووٹ کاسٹ کر دیا

امریکی صدارتی امیدوار ڈونلڈ ٹرمپ نے اپنی اہلیہ کے ہمراہ پام بیچ فلوریڈا میں اپنا ووٹ کاسٹ کیا۔

اس موقع پر انہوں نے کہا کہ ٹیم نے بہترین انتخابی مہم چلائی، انہوں نے امریکی عوام سے کہا کہ باہر نکلیں اور ووٹ ڈالیں چاہے کتنی بھی بڑی لائن ہو۔

انہوں نے کہا کہ آج امریکا کے لئے بہت اہم دن ہے، الیکشن جیتا تو امریکا کو نئی بلندیوں پر لے جاؤں گا۔

دوسری جانب ڈیموکریٹ صدارتی امیدوار کملا ہیرس بذریعہ ڈاک اپنا ووٹ دے چکی ہیں۔

امریکی انتخابات میں دہشت گردی کے خطرے کی فیک نیوز وائرل ہوئی جس کے متعلق ایف بی آئی نے کہا کہ یہ ایک فیک الرٹ تھا۔

ایف بی آئی نے کہا کہ پولنگ اسٹیشنز پر دہشت گرد حملے کا کوئی خطرہ نہیں، سوشل میڈیا پر دہشت گردی سے متعلق فیک الرٹ وائرل ہوا ہے۔

ریپبلکن نائب صدارتی امیدوار جےڈی وینس نے ریاست اوہائیو میں اپنا ووٹ کاسٹ کیا، وینس نےامریکی ریاست اوہائیو کے شہر سنسناٹی میں ووٹ ڈالا۔

ریپبلکن کے نائب صدارتی امیدوار نے ووٹ کاسٹ کرنے کے بعد کہا کہ امریکا کی جمہوریت کے لیے باہر نکلنے والوں کا شکریہ ادا کرتا ہوں، اس وقت کانٹے کا مقابلہ ہے، اس سے فرق نہیں پڑتا کہ کون جیتے گا۔