حارث رؤف اور صائم ایوب کی شاندار کاکردگی، پاکستان کی 28 سال بعد ایڈیلیڈ میں فتح

ویب ڈیسک

08th Nov, 2024. 01:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حارث رؤف اور صائم ایوب کی شاندار کاکردگی، پاکستان کی 28 سال بعد ایڈیلیڈ میں فتح

پاکستان نے ایڈیلیڈ کے میدان میں 28 سال بعد آسٹریلیا کو ون ڈے میچ میں شکست دے دی۔

پاکستان نے 164 رنز کا ہدف باآسانی ایک وکٹ کے نقصان پر حاصل کرلیا۔صائم ایوب 82 رنز بناکر آؤٹ ہوئے۔وہ آسٹریلیا کے خلاف ایک اننگز میں سب سے زیادہ چھکے لگانے والے پاکستانی بن گئے۔

صائم ایوب نے 6 چھکوں اور 5 چوکوں کی مدد سے 71 گیندوں پر برق رفتار 82 رنز بنائے۔عبداللہ شفیق 64 اور بابر اعظم 15 رنز بناکر ناٹ آؤٹ رہے۔

آسٹریلیا کی جانب سے واحد وکٹ ایڈم زیمپا نے حاصل کی۔

اس سے قبل پاکستان نے ٹاس جیت کر پہلے بولنگ کرنے کا فیصلہ کیا تو بولرز نے کپتان کے اس فیصلے کا بھرپور فائدہ اٹھاتے ہوئے آسٹریلوی بلے بازوں کو جم کر نہ کھیلنے دیا۔

آسٹریلوی ٹیم 35 اوورز میں 163 رنز بناکر آل آؤٹ ہوگئی۔ آسٹریلیا کی جانب سے اسٹیو اسمتھ سب سے زیادہ 35 رنز بناکرنمایاں رہے۔

میتھیو شارٹ 19، جوش انگلس 18، ایڈم زیمپا 18، گلین میکسویل 16، آرون ہارڈی 14، جیک فریسر میک گرک 13، کپتان پیٹ کمنز 13،مارنس لبوشین 6 اور مچل اسٹارک ایک رن بناکر آؤٹ ہوئے جبکہ جوش ہیزل ووڈ 2 رن بناکر ناٹ آؤٹ رہے۔

پاکستان کی جانب سے حارث رؤف نے 5، شاہین شاہ آفریدی نے 3 جبکہ محمد حسنین اور نسیم شاہ نے ایک ایک وکٹ حاصل کی۔