’’اب تک زیادتی کے کتنے مقدمات درج ہوئے، انکی تفتیش کس رینک کے افسر نےکی؟‘‘

عبدالرحمان

13th Nov, 2024. 12:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

’’اب تک زیادتی کے کتنے مقدمات درج ہوئے، انکی تفتیش کس رینک کے افسر نےکی؟‘‘

لاہورہائیکورٹ نے زیادتی کیس میں ملزمان کی درخواست ضمانت سے متعلق مقدمات میں زیادتی کے درج مقدمات کی تمام ترتفصیلات طلب کرلیں۔

چیف جسٹس عالیہ نیلم نے کہا کہ بتایاجائےاب تک زیادتی کےکتنے مقدمات درج ہوئے انکی تفتیش کس رینک کےافسرنےکی۔ عدالت نے آئندہ سماعت پرپراسیکیوٹرجنرل پنجاب کو طلب کرلیا اورسماعت 4 دسمبر تک ملتوی کردی۔

دورانِ سماعت کیس میں چیف جسٹس لاہورہائی کورٹ نے کہا کہ پہلےانویسٹی گیشن یونٹس ہوتے تھے جنہیں ختم کردیا گیا۔ ہمیں کاغذ پربنے تفتیشی ونگ کی ضرورت نہیں ہے۔ کتنے پولیس اسٹیشن پرایک تفتیشی سیل بنایا اس کی تفصیلات دی جائیں۔

چیف جسٹس عالیہ نیلم نے کہا کہ پولیس اسٹیشن میں مقدمہ درج ہونے کے بعد تفتیشی سیل کو بھجوایا جاتا ہے یا نہیں۔ اگرپہلے قدم کوہی قانونی سپورٹ حاصل نہیں تواس ایکسرسائزکا کیا فائدہ ہوگا۔ ریپ مقدمات کی تفتیش اے ایس آئی تو نہیں کرے گا۔

ایڈووکیٹ جنرل پنجاب خالد اسحاق نے تفصیلی رپورٹس عدالت میں پیش کرتے ہوئے کہا کہ جن تفتیشی افسران نے تفتیش کی، ان کے رینک اور دیگر تفصیلات اپنی رپورٹ میں پیش کی ہیں۔

ملزمان کے وکیل میاں داؤد ایڈووکیٹ سمیت دیگر وکلا عدالت میں پیش ہوئے۔