دیوسائی میں پھنسے 15 سیاحوں کو ریسکیو کرنے کے لیے پاک فوج کا آپریشن جاری

ویب ڈیسک

15th Nov, 2024. 03:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دیوسائی میں پھنسے 15 سیاحوں کو ریسکیو کرنے کے لیے پاک فوج کا آپریشن جاری

اسکردو: 15 سیاحوں کو ریسکیو کرنے کے لیے پاکستان آرمی کا دیوسائی اور اسکردو میں آپریشن جاری ہے۔

14 نومبر کو 15 کے قریب مسافر دو گاڑیوں میں گلتری سے بذریعہ دیوسائی اسکردو جارہے تھے کہ شدید برف باری کی وجہ سے مسافر دیوسائی میں ہی پھنس گئے۔

مسافروں سے زمینی رابطہ منقطع ہوگیا جس کے بعد مسافروں کے اہل خانہ اور علاقے کے لوگوں نے پاک آرمی سے مدد کی اپیل کی۔

پاک آرمی نے اپیل پر فوراً ہوائی اور زمینی ریسکیو آپریشن شروع کیا، پاک آرمی کے جوانوں پر مشتمل جوائنٹ ٹیم مسافروں کو ریسکیو کرنے کے لیے پیدل روانہ ہوئی۔

پاک فوج کی ٹیمز دیوسائی میں پھنسے ہوئے مسافروں کو ریسکیو کریں گی، پاک فوج کے دو ہیلی کاپٹرز بھی ریسکیو آپریشن میں حصہ لے رہے ہیں۔

موسم کی خرابی اور شدید برف باری کے باعث ہوائی آپریشن میں مشکلات کا سامنا ہے جب کہ پاک فوج مشکل کی اس گھڑی میں ہمیشہ کی طرح اپنے لوگوں کے ساتھ کھڑی ہے۔