عظمٰی بخاری کا کہنا ہے کہ بشریٰ بی بی سیاست نہیں کررہی تو PTI کے اجلاس میں کیا کرتی ہیں؟ کیا بشریٰ بی بی مرنے مارنے کے پروگرام میں اپنی اولاد کے ساتھ شرکت کریں گی؟

صوبائی وزیراطلاعات پنجاب عظمیٰ بخاری نے لاہورمیں نیوزکانفرنس کرتے ہوئے کہا ہے کہ علی امین صوبے کے وسائل ریاست کے خلاف استعمال کرتےہیں، خیبرپختونخوا میں پولیس والے اغوا ہو رہے ہیں۔

عظمیٰ بخاری نے کہا کہ صوبے کا وزیراعلیٰ الجہاد الجہاد کے نعرے لگوا رہا ہے، خیبرپختونخوامیں امن وامان کی صورتحال خراب ہے، گنڈا پور فسادی سیاست کے بجائے عوامی مسائل پرتوجہ دیں۔

وزیراطلاعات نے کہا کہ غیرسیاسی خاتون جلسے، جلوسوں کی پلاننگ کررہی ہیں، گھریلوخاتون کوسیاسی معاملات کا کیا پتہ؟ پی ٹی آئی والے ملک میں فتنہ فساد کرنا چاہتے ہیں، مریم نوازسیاسی جدوجہد کے بعد اس مقام تک پہنچیں۔

عظمیٰ بخاری نے کہا کہ بشریٰ بی بی ریموٹ کنٹرول سے وزیراعظم کوچلارہی تھیں، آج غیرسیاسی خاتون ہدایات دے رہی ہیں کتنے بندے لانے ہیں، سیاسی تقریر، سیاسی پلاننگ کرنا سیاست میں حصہ لینا ہی ہوتا ہے.

انھوں نے مزید کہا کہ بشریٰ بی بی سیاست نہیں کررہی تواجلاس میں کیا بتارہی تھیں، بشریٰ بی بی پی ٹی آئی رہنماؤں کواہداف دے رہی ہیں۔