گذشتہ روز احتجاج کے دوران شہید ہونے والے رینجرز اہلکاروں کی نماز جنازہ ادا

ویب ڈیسک

26th Nov, 2024. 06:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گذشتہ روز احتجاج کے دوران شہید ہونے والے رینجرز اہلکاروں کی نماز جنازہ ادا

راولپنڈی: گذشتہ روز اسلام آباد میں احتجاج کے دوران شہید ہونے والے رینجرز اہلکاروں کی نماز جنازہ ادا کردی گئی۔

پاک فوج کے شعبہ تعلقات عامہ (آئی ایس پی آر) کے مطابق گذشتہ روز احتجاج کے دوران شہید ہونے والے رینجرز اہلکاروں کی نماز جنازہ ادا کی گئی جس میں چیف آف آرمی اسٹاف جنرل سید عاصم منیر بھی شریک تھے۔

ترجمان پاک فوج نے بتایا کہ شہید نائیک محمد رمضان اور سپاہی گلفام خان شہید کی نماز جنازہ چکلالہ میں ادا کی گئی۔

آئی ایس پی آر کا کہنا ہے کہ وزیراعظم شہباز شریف، نائب وزیراعظم اسحاق ڈار اور وزیر داخلہ، وزیر اطلاعات سمیت وفاقی وزرا نے بھی نماز جنازہ میں شرکت کی جب کہ سینئر سول اور فوجی افسروں کی بڑی تعداد بھی شہداء کی نماز جنازہ میں شریک تھی۔

پاک فوج کے شعبہ تعلقات عامہ نے کہا کہ شہداء کے جسد خاکی ان کے آبائی علاقوں کو روانہ کردیے گئے ہیں، شہداء کو مکمل فوجی اعزاز کے ساتھ ان کے آبائی علاقوں میں سپرد خاک کیا جائے گا۔

آئی ایس پی آر نے مزید بتایا کہ شہید نائیک محمد رمضان کی عمر 47 سال اور ان کا تعلق کرک سے تھا جب کہ شہید سپاہی گلفام خان کی عمر 29 برس اور تعلق راولپنڈی، شہید سپاہی شاہنواز کی عمر 33 سال اور تعلق سبی سے تھا۔