پی ٹی آئی کا پرتشدد احتجاج؛ گرفتاریاں اور اسلحہ برآمد، افغان شرپسندوں کے ملوث ہونے کے واضح شواہد

سلمان علی اعوان

27th Nov, 2024. 05:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ٹی آئی کا پرتشدد احتجاج؛ گرفتاریاں اور اسلحہ برآمد، افغان شرپسندوں کے ملوث ہونے کے واضح شواہد

اسلام آباد: پی ٹی آئی کے پرتشدد احتجاج کے دوران بڑے پیمانے پر شرپسندوں کو گرفتار کیا گیا ہے جن میں افغان شرپسندوں کے ملوث ہونے کے واضح شواہد سامنے آئے ہیں۔

سیکیورٹی ذرائع کے مطابق گزشتہ سات دنوں میں 610 شرپسندوں کو گرفتار کیا گیا جن میں 37 افغان شرپسند بھی شامل ہیں جب کہ احتجاج کے دوران سکیورٹی فورسز نے 39 ہتھیار برآمد کیے ہیں جن میں جدید اسلحہ بھی شامل ہے۔

سیکیورٹی ذرائع کا کہنا ہے کہ یہ اسلحہ شرپسندوں کے ذریعے احتجاجی مظاہروں کے دوران استعمال کیا گیا تھا۔

سیکیورٹی ذرائع کے مطابق ان مظاہروں میں قانون نافذ کرنے والے اداروں کے 170 سے زائد اہلکار زخمی ہوئے جو کہ اس پرتشدد کارروائیوں کا واضح اشارہ ہے۔

سیکیورٹی ذرائع نے مزید بتایا کہ مظاہرین نے پولیس کی 22 گاڑیوں کو بری طرح نقصان پہنچایا اور ایک جیل وین کو بھی آگ لگا دی جب کہ ان مظاہروں کے دوران اسلام آباد سیف سٹی کے 97 کیمروں کو بھی نقصان پہنچا۔

سیکیورٹی ذرائع کا مزید کہنا تھا کہ پرتشدد مظاہرین نے پولیس اور قانون نافذ کرنے والے اداروں کے اہلکاروں پر سیدھی فائرنگ بھی کی جس سے حالات مزید کشیدہ ہوگئے۔