وزیر اعلیٰ پنجاب کی اربن فلڈنگ روکنے کیلئے مشینری خریدنے کی اصولی منظوری

ویب ڈیسک

29th Nov, 2024. 11:30 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعلیٰ پنجاب کی اربن فلڈنگ روکنے کیلئے مشینری خریدنے کی اصولی منظوری

لاہور: وزیر اعلیٰ پنجاب مریم نواز شریف نے اربن فلڈنگ روکنے کے لئے مشینری خریدنے کی اصولی منظوری دے دی۔

وزیر اعلیٰ مریم نواز کی زیر صدارت خصوصی اجلاس ہوا جس میں اربن فلڈنگ دریائی سیلاب اور رودکوہی سے نمٹنے کے لئے اقدامات کا جائزہ لیا گیا۔

مریم نواز نے عوام کے تحفظ کے لئے جامع فلڈنگ پلان طلب کر لیا اور اربن فلڈنگ روکنے کے لئے مشینری خریدنے کی اصولی منظوری دے دی۔

اجلاس میں وزیر اعلیٰ نے موٹرویز، ہائی ویز اور ریلوے ٹریک کے نیچے سیلابی راستوں کی صفائی کی ہدایت دیتے ہوئے روڈز سے بارش کے پانی کا نکاس یقینی بنانے کے لئے گرین بیلٹ کا لیول نیچے کرنے کے منصوبے کی بھی منظوری دے دی۔

دوران اجلاس سیلابی نالوں کی بروقت صفائی اور بحالی یقینی بنانے، فلڈنگ کے سدباب کے لئے قوانین کے نفاذ کو یقینی بنانے کی بھی ہدایت دی گئی اور اربن فلڈنگ سے متاثرہ شہروں میں سٹوریج ٹینک بنانے کی تجویز پر اتفاق کیا گیا۔

اس موقع پر وزیر اعلیٰ مریم نواز نے گفتگو کرتے ہوئے کہا کہ شہروں میں راستے ڈوب جاتے ہیں، سیوریج کا نظام بہتر بنانا ہوگا، لوگوں کی تکالیف کے پیش نظر سیوریج سسٹم کی بحالی اور بہتری کی ترجیحات کا تعین کیا جائے۔