بھارتی اسپتال کا بنگلادیشی مریضوں کا علاج کرنے سے انکار

ویب ڈیسک

30th Nov, 2024. 07:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی اسپتال کا بنگلادیشی مریضوں کا علاج کرنے سے انکار

کولکتہ: بھارت میں اسپتال انتظامیہ نے بنگلادیش سے آنے والے مریضوں کا علاج کرنے سے انکار کردیا۔

کشمیر میڈیا سروس کی رپورٹ کے مطابق بھارتی ریاست بنگال کے دارالحکومت کولکتہ کے شمالی علاقے مانیکٹلا میں واقع جے این رے اسپتال نے بنگلادیش سے آنے والے مریضوں کا علاج کرنے سے انکار کردیا ہے۔

رپورٹ کے مطابق اسپتال انتظامیہ کا کہنا ہے کہ وہ پڑوسی ملک میں ہندوؤں کے خلاف ہونے والے مبینہ مظالم کے خلاف احتجاجاً بنگلادیش سے آنے والے مریضوں کا علاج نہیں کریں گے۔

اسپتال کے ایک عہدیدار نے بتایا کہ انتظامیہ کی جانب سے ایک نوٹیفکیشن جاری کیا گیا ہے جس میں کہا گیا ہے کہ غیر معینہ مدت تک کسی بھی بنگلادیشی مریض کو علاج کے لیے داخل نہیں کیا جائے گا۔

عہدیدار کا کہنا ہے کہ یہ بھارت کے ساتھ ان کے توہین آمیز رویے کی وجہ سے کیا گیا ہے جب کہ انہوں نے شہر کے دیگر اسپتالوں پر بھی زور دیا ہے کہ وہ بھی بنگلادیشی شہریوں کے ساتھ ایسا ہی سلوک کریں۔