کراچی اور لاہور میں فضائی آلودگی برقرار

مریم حسن

01st Dec, 2024. 11:14 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی اور لاہور میں فضائی آلودگی برقرار

ملک میں مغربی ہواوں کے سلسلے کی آمد، شہر میں ہواوں کی سمت تبدیل ہوگئی ہے، تاہم کراچی اور لاہور میں فضائی آلودگی برقرار ہے۔

لاہور کو دنیا کا پہلا اور کراچی کو پانچواں آلودہ ترین شہر قراردیا گیا ہے۔

ایئر کوالٹی انڈیکس کے مطابق لاہور کی فضا میں آلودہ ذرات کی مقدار 309 پرٹیکیولیٹ میٹرز کے ریکارڈ کی گئی، جس کی وجہ سے لاہور کی فضا شدید آلودہ اور خطرناک حد تک مضر صحت قراردی جارہی ہے۔

بھارتی دارالحکومت نئی دہلی کو 273 پرٹیکیولیٹ میٹرز کے ساتھ دوسرا آلودہ ترین شہرقرار دیا گیا ہے۔

ایئر کوالٹی انڈیکس کے مطابق کراچی کی فضا میں آلودہ ذرات کی مقدار 191 پرٹیکیولیٹ میٹر ریکارڈ کی گئی ہے۔

آلودہ فضا سے شہری سانس اور گلے کے مرض میں مبتلا ہوسکتے ہیں، جبکہ حساس طبیعت اور سانس یادمہ کی تکلیف میں مبتلا افراد خصوصی احتیاط اختیار کریں، شہری گھر سے باہر نکلتے وقت ماسک کا استعمال لازمی کریں۔