وزیر اعظم کی ضمنی انتخاب میں رانا طاہر کی کامیابی پر مبارکباد

ویب ڈیسک

05th Dec, 2024. 11:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعظم کی ضمنی انتخاب میں رانا طاہر کی کامیابی پر مبارکباد

وزیراعظم محمد شہباز شریف نے پنجاب اسمبلی کے حلقہ شیخوپورہ پی پی-139 کے ضمنی انتخاب میں مسلم لیگ (ن) کے امیدوار رانا طاہر کی واضح کامیابی پر مبارکباد دی ہے۔

انہوں نے کہا کہ یہ کامیابی عوام کے پارٹی کی پالیسیوں پر اعتماد اور ترقی و خوشحالی کے عزم کا ثبوت ہے۔

وزیراعظم نے کہا کہ مہنگائی کی شرح 38 فیصد سے 4.9 فیصد تک لانا، عام آدمی کی زندگی میں آسانی اور معاشی اعشاریوں میں بہتری جیسے اقدامات عوامی اعتماد کا سبب بنے ہیں۔

انہوں نے کہا کہ پی پی-139 کے عوام نے جلاؤ گھیراؤ اور انتشار کی سیاست کو مسترد کر کے ترقی و خوشحالی کے حق میں فیصلہ دیا ہے۔

وزیراعظم نے قائد مسلم لیگ (ن) میاں نواز شریف کی قیادت اور پارٹی ورکرز کی محنت کو کامیابی کی بنیاد قرار دیتے ہوئے کہا کہ عوام سے کیے گئے وعدے پورے کرنے کے لیے دن رات کام جاری ہے۔

انہوں نے کہا کہ پنجاب کی وزیر اعلیٰ مریم نواز بھی عوام کی خدمت اور صوبے کی ترقی کے لیے انتھک محنت کر رہی ہیں۔

وزیراعظم نے اس کامیابی کو حقیقی معاشی ترقی اور خوشحالی کے لیے عوام کے اعتماد کا مظہر قرار دیا۔

وزیراعظم نے پی پی-139 کے عوام کا شکریہ ادا کرتے ہوئے کہا کہ مسلم لیگ (ن) کی کامیابی پاکستان کی ترقی اور خوشحالی کے نئے باب کی بنیاد ثابت ہوگی۔