آئی سی سی میں کہیں ڈینٹ آتا ہے تو پوری کرکٹ کو نقصان ہوگا، محسن نقوی

ویب ڈیسک

07th Dec, 2024. 06:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی سی سی میں کہیں ڈینٹ آتا ہے تو پوری کرکٹ کو نقصان ہوگا، محسن نقوی

ماؤں کا عالمی دن: محسن نقوی کا ’ماں‘ کے عظیم کردار کو خراجِ تحسین

لاہور: چیئرمین پی سی بی محسن نقوی کا کہنا ہے کہ آئی سی سی میں کہیں ڈینٹ آتا ہے تو پوری کرکٹ کو نقصان ہوگا۔

چیئرمین پی سی بی محسن نقوی نے لاہور میں میڈیا سے گفتگو کرتے ہوئے کہا کہ آج آئی سی سی کی میٹنگ تھی جو ملتوی ہوگئی۔

محسن نقوی نے کہا کہ کسی چیز پر بات نہیں کروں گا، پاکستان مثبت کردار ادا کررہا ہے، آئی سی سی پروگریس کرے گی تو پوری دنیا کی کرکٹ کرے گی۔

ان کا کہنا تھا کہ جیسے ہی دوبارہ میٹنگ ہوئی اور جو چیزیں ہوئیں تو بتادیں گے، آئندہ چند ماہ میں گراؤنڈز کی حالت مزید بہتر کریں گے

چیئرمین پی سی بی کہتے ہیں کہ آئی سی سی میں کہیں ڈینٹ آتا ہے تو پوری کرکٹ کو نقصان ہوگا، کوئی شک نہیں کہ ہماری بات چیت چل رہی ہے۔

محسن نقوی نے کہا کہ پاکستان اور کرکٹ کے لئے بہتر سے بہتر کرنے کی کوشش کررہے ہیں، آئندہ دنوں میں چیزیں بہتر ہوں گی، مایوس نہیں کریں گے۔

انہوں نے مزید کہا کہ قوم کی توقعات سے بڑھ کر چیزیں ہوں گی، ہر شہر میں گراؤنڈ کی دستیابی یقینی بنانے پر توجہ مرکوز ہے۔