مریم نواز نے پاکستان میں سیاست کے پیمانے کو یکسر تبدیل کردیا ہے، عظمیٰ بخاری
لاہور: وزیر اطلاعات پنجاب عظمیٰ بخاری نے کہا ہے کہ پاکستان اب کسی فتنے کا متحمل نہیں، قوم کی مدد سے ہر فتنے کو کچل دیا جائے گا۔
صوبائی وزیر عظمیٰ بخاری نے اپنے جاری کردہ بیان میں کہا کہا کہ مخالفین احتجاج، جلسے اور دھرنوں کی سیاست سے باہر نہیں نکل رہے، ایک صوبے میں جس جماعت کی 11 سال سے حکومت ہے وہاں صرف مولا جٹ کا سیریل چل رہا ہے۔
انہوں نے کہا کہ سول نافرمانی کی تحریک چلانے والے کو پہلے بھی منہ کی کھانی پڑی تھی، جب بھی ملک ٹریک پر آتا کوئی فتنہ رخنہ ڈالنے نکل پڑتا ہے، پاکستان اب کسی فتنے کا متحمل نہیں قوم کی مدد سے ہر فتنے کو کچل دیا جائے گا۔
عظمیٰ بخاری نے کہا کہ جہنوں نے انقلاب لانا تھا وہ اب آپس میں گتھم گتھا ہورہے ہیں، نند بھاوج کی لڑائی نے فتنہ پارٹی کے پانچ گروپ بنادیے ہیں۔
وزیر اطلاعات کا کہنا تھا کہ مریم نواز دورہ چین کے دوران تاریخی معاہدے کررہی ہیں، مریم نواز پنجاب کی تقدیر بدلنے جارہی ہیں، انہوں نے کینسر کے جدید ترین اعلاج کا معاہدہ کیا ہے۔
Advertisement
انہوں نے مزید کہا کہ پنجاب میں زراعت کے شعبے میں جدت لانے کے لیے بھی معاہدہ ہوچکا ہے، مریم نواز اللہ کی مدد سے صوبے کی قسمت بدل رہی ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
