معاشی اعشاریے پر تنقید سمجھ سے بالاتر ہے، اعظم نذیر تارڑ

ویب ڈیسک

11th Dec, 2024. 01:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معاشی اعشاریے پر تنقید سمجھ سے بالاتر ہے، اعظم نذیر تارڑ

اسلام آباد: وفاقی وزیر قانون اعظم نذیر تارڑ نے کہا ہے کہ معاشی اعشاریے پر تنقید سمجھ سے بالاتر ہے۔

وزیر قانون اعظم نذیر تارڑ نے قومی اسمبلی کے اجلاس میں اظہار خیال کرتے ہوئے کہا کہ وزراء کو ایوان میں موجود ہونا چاہیے، بعض ناگزیر وجوہات کی بنیاد پر وزراء ایوان میں نہیں آ پاتے لشکر کشی چھوڑ کر ایوان میں آنے پر اپوزیشن لیڈر کو مبارکباد دیتا ہوں۔

انہوں نے کہا کہ سڑکوں کے بجائے ایوان میں ساتھ بیٹھ کر مسائل کا بہتر حل نکالنا ممکن ہے، سیاستدان بات چیت، دلائل اور منطق سے مسائل کا حل نکالتے ہیں۔

اعظم نذیر تارڑ نے کہا کہ معاشی اعشاریہ حکومت خود تیار نہیں کرتی ہ3ے، معاشی اعشاریے پر تنقید سمجھ سے بالاتر ہے، مہنگائی کی شرح اور افراط زر میں نمایاں کمی آئی ہے۔

انکا کہنا تھا کہ اسٹاک مارکیٹ مسلسل اوپر جا رہی ہے، شہری پراپرٹی سیکٹر کے بجائے اسٹاک مارکیٹ میں سرمایہ کاری کر رہے ہیں، رئیل اسٹیٹ سیکٹر میں اصلاحات کی گئی ہیں، سرمایہ کاری آئے گی۔

وفاقی وزیر نے مزید کہا کہ اپوزیشن حکومت کے اچھے اقدامات پر تعریف بھی کر دیا کرے، حکومت اپوزیشن کی مثبت تجاویز کو ضرور قبول کرے گی، اپوزیشن کی پارلیمنٹ میں واپسی قابل تحسین اقدام ہے۔