ایف بی آر کی جانب سے جائیداد کی خرید و فروخت پر ٹیکس استثنیٰ کے حصول کا طریقہ کار طے کردیا گیا ہے۔

بیرون ملک مقیم پاکستانیوں کو جائیداد کی خریدوفروخت پر ٹیکس سے استثنیٰ برقرار رکھتے ہوئے نان ریذیڈنٹ ٹیکس نادہندگان کی تصدیق کےلیے ایف بی آر کے آئی آر آئی ایس (IRIS) سسٹم میں تبدیلی کردی گئی ہے جب کہ ایف بی آر کی جانب سے تصدیق کا طریقہ کار  بھی طے کردیاگیا ہے۔

نان ریذیڈنٹ ٹیکس نادہندگان کی تصدیق کے لئے ایف بی آر کے آئی آر آئی ایس سسٹم میں بھی تبدیلی، ایف بی آر کی جانب سے تصدیق کا طریقہ کار بھی طے کر دیا گیا ہے۔

ایف بی آر کے مطابق بیرون ملک مقیم پاکستانی ٹیکس دہندگان کو پاکستانی اوریجن کارڈ یا نائیکوپ اپ لوڈ کرنا ہوگا، طریقہ کار کے تحت اوریجن کارڈ متعلقہ چیف کمشنر ان لینڈ ریونیو کو لاگ ان کے لیے بھیجا جائے گا۔

ایف بی آر نے بتایا کہ کمشنر ان لینڈ ریونیو کی جانب سے متعلقہ کمشنر ان لینڈ ریونیو کو کیس تک رسائی دی جائے گی، جبکہ متعلقہ ان لینڈ ریونیو کمشنر نان ریذیڈنٹ پاکستانی کے اسٹیٹس کی تصدیق کرے گا۔

ایف بی آر کے مطابق کمشنر ان لینڈ ریونیو تصدیق کے بعد ٹیکس دہندہ نان ریذیڈنٹ پاکستانی کو ٹیکس سے استثنیٰ دے گا، استثنیٰ حاصل ہونے پر نان ریذیڈنٹ ٹیکس دہندہ کو بذریعہ ایس ایم ایس یا ای میل آگاہ کیا جائے گا۔