صدر مملکت کا سیکیورٹی فورسز کی کامیاب کارروائیوں پر خراج تحسین

ویب ڈیسک

11th Dec, 2024. 09:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدر مملکت کا سیکیورٹی فورسز کی کامیاب کارروائیوں پر خراج تحسین

صدر مملکت کا ماحولیاتی تبدیلی کے چیلنج سے نمٹنے کے لئے عالمی کوششوں کی ضرورت پر زور

صدر مملکت آصف علی زرداری نے شمالی وزیرستان میں سیکیورٹی فورسز کی جانب سے دو مختلف آپریشنز کے دوران سات خوارج کو جہنم واصل کرنے پر سیکیورٹی فورسز کو خراج تحسین پیش کیا ہے۔

صدر مملکت نے ان کامیاب کارروائیوں میں سیکیورٹی فورسز کی بہادری اور عزم کی ستائش کی اور کہا کہ دہشت گردوں کا مقابلہ کرتے ہوئے ملک کے دفاع میں قربان ہونے والے جوانوں کو ہمیشہ یاد رکھا جائے گا۔

صدر مملکت نے خاص طور پر لانس نائیک محمد امین شہید کی قربانی کو خراج عقیدت پیش کرتے ہوئے ان کی بہادری اور حب الوطنی کی تعریف کی۔

انہوں نے لانس نائیک محمد امین شہید کے ورثاء سے تعزیت کا اظہار کرتے ہوئے ان کے درجات کی بلندی اور اہل خانہ کے لیے صبر جمیل کی دعا کی۔

صدر آصف علی زرداری نے اس عزم کا اظہار کیا کہ ملک سے فتنہ الخوارج کے مکمل خاتمے تک سیکیورٹی فورسز کی کارروائیاں جاری رہیں گی۔

ان کا کہنا تھا کہ پوری قوم دہشت گردی کے خلاف جنگ میں اپنی فورسز کے ساتھ ہے اور ہم دہشت گردی کی لعنت کے مکمل خاتمے تک اپنی کارروائیاں جاری رکھیں گے۔

صدر مملکت آصف علی زردری نے مزید کہا کہ سیکیورٹی فورسز کی قربانیاں ملک کی سالمیت اور عوام کی حفاظت کے لیے بے مثال ہیں اور انہیں ہر سطح پر سراہا جانا چاہیے۔